Read Biblia SEPT Oseas 6 Bible Online

Oseas 6 - Biblia SEPT bible

Oseas 6

¹Vinde e volvámonos ó Señor. É El quen nos desgarra e quen nos curará, quen nos fere, e nos vendará,

²faranos revivir despois de dous días, ó terceiro día restableceranos, e viviremos felices na súa presenza.

³Nisto recoñecerémolo. Esforcémonos por coñecer o Señor: a súa irrupción é segura coma a alba. Viranos á terra certamente unha chuvia forte, si, a chuvia da primavera e a chuvia do outono.

⁴Que che vou facer, Efraím? Que che vou facer, Xudá? O voso amor é coma a nube da mañá, coma o orballo da madrugada, que pasa.

⁵Por isto ferín co meu terrible oráculo, matei coas palabras da miña boca, e a miña sentencia brilla coma o sol,

⁶pois quero amor, e non sacrificios, prefiro o coñecemento de Deus ós holocaustos.

⁷Pero velaí: pisaron coma a terra a miña Alianza, e traizoáronme.

⁸Galaad é unha cidade de malfeitores con pisadas de sangue.

⁹Como espreita unha banda de bandidos, así é a comunidade dos sacerdotes, asasinan polo camiño que vai a Xequem. Que maldades cometen!

¹⁰Na casa de Israel vin cousas horribles: Velaí a prostitución de Efraím, emporcállase Israel.

¹¹Tamén para ti, Xudá, está preparada a seitura. Cando eu queira cambiar a sorte do meu pobo,