Read Biblia SEPT Números 2 Bible Online

Números 2 - Biblia SEPT bible

Números 2

¹Díxolle o Señor a Moisés:

²—"Que cada un acampe baixo a súa insignia e estandarte propio da súa familia patriarcal, arredor da Tenda da Alianza.

³Os acampados pola parte do oriente, baixo o seu estandarte de guerra no campamento, serán os soldados de Xudá, que levan á fronte do seu batallón a Nahxón, fillo de Aminadab.

⁴O seu número total é de 74.600.

⁵Acamparán ó seu lado os da tribo de Isacar, levando á súa cabeza a Natanael, fillo de Suar.

⁶Os soldados alistados son 54.400.

⁷Logo a tribo de Zebulón. O xefe dos seus soldados é Eliab, fillo de Helón.

⁸Todo o corpo dos seus homes de guerra alistados son 57.400.

⁹O total dos censados da tribo de Xudá, no campamento, 186.400 homes de guerra. Serán os primeiros en saír.

¹⁰Para a parte do mediodía poranse as insignias da tribo de Rubén en orde de batalla. O xefe dos soldados de Rubén é Elisur, fillo de Xedeur;

¹¹o número de soldados é de 46.500.

¹²O seu lado acamparán os da tribo de Simeón, levando por xefe a Xelumiel, fillo de Surixadai.

¹³O exército dos alistados suma 59.300.

¹⁴Logo a tribo de Gad con Eliasaf, fillo de Deuel, por xefe.

¹⁵Contado todo o seu exército, foron 45.650.

¹⁶O total dos alistados no campamento de Rubén foi de 151.450, que saíron os segundos por escuadróns.

¹⁷Despois irá a Tenda da Alianza do campamento, levada polos levitas, no medio dos batallóns, tal e como estaban acampados. Así camiñarán, cada un baixo as súas insignias, levadas en alto nas mans.

¹⁸A insignia do batallón de Efraím situarase no campamento pola parte do occidente, levando por xefe a Elixamá, fillo de Amihud.

¹⁹Os censados dos descendentes de Efraím foron 40.500.

²⁰A beira deses acampa a tribo de Menaxés, levando por xefe a Gamaliel, fillo de Pedahsur.

²¹Compoñen o batallón 32.200 censados.

²²A tribo de Benxamín, con Abidán, fillo de Guideón, por xefe dos seus homes,

²³conta no seu batallón 35.400 censados.

²⁴O total dos censados no batallón de Efraím é 108.100 homes por escuadróns, e sairán os terceiros.

²⁵Por xefe do batallón dos fillos de Dan, irá Ahiézer, fillo de Amixadai, que erguerá a súa insignia polo norte.

²⁶O número de homes censados é de 62.700.

²⁷O seu lado acampa a tribo de Axer, levando por xefe a Paguiel, fillo de Ocrán.

²⁸O número dos censados é de 41.500.

²⁹Vai logo a tribo de Naftalí, que leva por xefe a Ahirá, fillo de Enán.

³⁰E conta con 53.400 censados.

³¹O total do batallón de Dan suma 157.600, e sairán os derradeiros, seguindo as súas insignias".

³²Feitas as listas dos israelitas por casas patriarcais, todos os censados nos campamentos por escuadróns, dan por xunto 603.550 homes.

³³Os levitas non foron censados cos demais israelitas, porque así llo mandara o Señor a Moisés.

³⁴E facían os israelitas canto lle mandara o Señor a Moisés, sexa cando acampaban arredor da súa insignia, sexa cando se puñan en camiño, cada un coa súa familia e casa patriarcal.