Read Biete RIPHUTNA 36 Bible Online

RIPHUTNA 36 - Biete bible

RIPHUTNA 36

¹Hihei hih Esauva richihei chu an nit. Esauva hih Edoma khom an ti sa ngai.

²Esauva khan Kanan nungâkhei khah nupuiin ai nei a nit; Hit mi Elona nainu Adaii hei, Hiv mi Zibeona naipa Ana nainu Oholibami hei,

³Ismaela nainu, Nebaiota farnu Basemathi hei kha an nit.

⁴Adaii khan Esauva khah Elifaza a nei pêk a; Basemathi khan Reuela a nei a;

⁵Oholibami khan Jeusa, Jalama, Kora hei a nei a. Khahei khah Esauva naipahei, Kanan rama suakhei chu an nit.

⁶Khanungchu, Esauva khan a nupuihei, a nainuhei neh a naipahei, a ina mi om murdihei, a ranhei murdi, Kanan rama sum neh puan ai nei tâkhei murdi khah a thôt riai a, a unaipa Jakoba dîp loi rangin ram dangah arthon tâk a.

⁷An thil neihei khah a natinsat ok tâk sikin an mikhualna ramah khan an ranhei lêngna rang ridum khâi mak a, munkan an iom thei khâi ino a nit.

⁸Khanchu, Esauva khah Seir tlângah khan a om tâk a. Esauva khah Edoma iti khom a nit.

⁹Seir tlângrama Edomhei chibul Esauva richihei chu hingka hin an nit.

¹⁰Hihei hih Esauva naihei chu an nit: Esauva nupui Adaii khan naiipa khatkah Elifaza a nei pêk a. Elifaza khan naiipa ringakah a nei a: Temana, Omara, Zefoa, Gatama, Kenaza hei an nit. Timnaii khah Elifaza thâikêm a nit a, ani khan Elifaza khah Amaleka a nei pêk a. Khahei khah Esauva nupui Adaii richihei chu an nit. Esauva nupui Basemathi khan naiipa khatkah Reuela a nei pêk a. Reuela khan naiipa ilîkah a nei a: Nahata, Zera, Sama, Miza hei an nit. Khahei khah Esauva nupui Basemathi richihei chu an nit.

¹⁴Hihei hih Zibeona naipa Anaa nainu Oholibami naiipahei chu an nit; ani khan Esauva khah Jeusa, Jalama, Kora hei khah a nei pêk a.

¹⁵Esauva richi zuang risui dân chu hingka hin a nit. Esauva nai lutîr Elifaza kha hi namhei richibul hih a nit: Temanhei, Omarhei, Zefohei, Kenazhei,

¹⁶Korahei, Gatamhei, Amalekhei hi an nit. Khahei khah Edom rama Elifaza richi, Edom rama om, Esauva nupui Adaii richihei chu an nit.

¹⁷Esauva naipa Reuela richihei chu hihei hih an nit: Nahathei, Zerahei, Sam-hei, Mizahei hih. Khahei khah Esauva nupui Basemathi richihei chu an nit.

¹⁸Esauva nupui Oholibami richihei chu hihei hih an nit: Jeusa chihei, Jalam chihei, Kora chihei hih. Khahei khah Anaa nainu Oholibami, Esauva nupui richihei chu an nit.

¹⁹Khahei murdi khah Esauva, Edoma khom an iti ngai, richi rui dang danghei chu an nit.

²⁰Hi rama lei iom pial Hor mi, Seira richi nam zuang risuihei chu hihei hih an nit: Lotana hei, Sobala hei, Zibeona hei, Ana hei,

²¹Disona hei, Ezera hei, Disana hei hih. Khahei khah Edom rama Hor nam Seira richihei chu an nit.

²²Lotana naihei chu Hora neh Hemana an nit a. Lotana khan farnu Timnaii ai nei a nit.

²³Sobala naihei chu hihei hih an nit: Alvana hei, Manahata hei, Ebala hei, Sefoa hei, Onama hei.

²⁴Zibeona khan naiipa inikah a nei a: Aia neh Ana an nit. Ana hih a nit, a pa sakuartunghei ân lêng lâia ramchâra silum[77] imu suaktu kha a nit.

²⁵Ana khan naiipa Disona neh nainupang Oholibami ai nei a nit.

²⁶Disona khan naiipa Hemdana hei, Esbana hei, Ithran hei, Kherana hei a nei a.

²⁷Ezera khan naiipa ithumkah Bilhana hei, Zavana hei, Akana hei a nei a.

²⁸Disana khan naiipa Uza neh Arana hei ai nei a nit.

²⁹Hihei hih Hor nam rui dang dang chit, Edom rama omhei chu an nit: Lotana chihei, Sobala chihei, Zibeona chihei, Ana chihei, Disona chihei, Ezera chihei, Disana chihei hih an nit.

³¹Israelhei khan rêng an la nei maah khan hihei hi Edom rama rêng ichang tâkhei chu an nit.

³²Beora naipa Bela kha Edom ram rêng a chang a; a khopui riming kha Dinhaba a nit.

³³Bela khah a thi a, Bozra khuaa mi Zera naipa Jobaba khan a thûl a.

³⁴Jobaba khah a thi a, Timanhei rama mi Husama khan a thûl a.

³⁵Husama khah a thi a, Bedada naipa Hadada khan a thûl a. Ani hih Moab rama Midianhei inêtu kha a nit; a khopui riming khah Avit a nit.

³⁶Hadada khah a thi a, Masreka mi Samlaa khan a thûl a.

³⁷Samlaa khah a thi a, Eufratis vadung rikama Rehobot kho mi Saula khan a thûl a.

³⁸Saula khah a thi a, Akbora naipa Baalhanana khan a thûl a.

³⁹Akbora naipa Baalhanana khah a thi a, Hadada khan a thûl a; a khopui riming khah Pau a nit. A nupui kha Mehetabeli a nit a, Mezahaba nai Matredi nainu a nit.

⁴⁰Esauva khah Edom namhei richibul a nit: Timna namhei, Alva namhei, Jethet namhei, Oholibam namhei, Ela namhei, Pinon namhei, Kenaz namhei, Teman namhei, Mibzar namhei, Magdiel namhei, Iram namhei hi Esauva richihei an nit. An omna hual khan â omhei nam riming kha an înriput chit a nit. Khahei khah Esauva richi, Edom mi, Edom rama omhei chu an nit.