Read Biete RIPHUTNA 5 Bible Online

RIPHUTNA 5 - Biete bible

RIPHUTNA 5

¹Amahih Adama richihei suina thurchi chu a nit. Pathianin manmasi a siam lâiah khan, ama ang zekkan ai siam a nit.

²Ipa neh nupang a siam a, anni khah ṭhat a vur a, an riming kha, “Miriam” a sak a.

³Adama khah kum rizalei sômithumkah a nitin ama ri-angpui naiipa a nei a, arming Setha a sak a.

⁴Setha a nei zoi nungah khan Adama khah kum rizariatkah a la ring a, nainu neh naipa khom a la nei a.

⁵Adama khah kum rizakuakka sômithumkah a nit tenan chu a thi tâk a.

⁶Setha khan kum rizalei ringakah a nitin naiipa Enosa a nei a;

⁷Enosa a nei zoi nungah khan Setha khah kum rizariatka sarikah a la ring a, nainu neh naipa dang khom a la nei a.

⁸Setha khah kum rizakuakka sômleiinikah a nit tenan chu a thi tâk a.

⁹Enosa khan kum sômikuakkah a nitin naiipa Kenana a nei a;

¹⁰Kenana a nei zoi nungah khan Enosa khah kum rizariatka sômleiringakah a la ring a, nainu neh naipa dang khom a la nei a.

¹¹Enosa kha kum rizakuakka ringakah a nit tenan chu a thi tâk a.

¹²Kenana khan kum sômsarikah a nitin naiipa Mahalalela a nei a;

¹³Mahalalela a nei zoi nungah khan Kenana kha kum rizariatka sômilikah a la ring a, nainu neh naipa dang khom a la nei a.

¹⁴Kenana khah kum rizakuakka sômkah a nit tenan chu a thi tâk a.

¹⁵Mahalalela khan kum sômirukka ringakah a nitin naiipa Jareda a nei a;

¹⁶Jareda a nei zoi nungah khan Mahalalela khah kum rizariatka sômithumkah a la ring a, nainu neh naipa dang khom a la nei a.

¹⁷Mahalalela khah kum rizariatka sômikuakka ringakah a nit tenan chu a thi tâk a.

¹⁸Jareda khan kum rizalei sômirukka inikah a nitin naiipa Enoka a nei a;

¹⁹Enoka a nei zoi nungah khan Jareda khah kum rizariatkah a la ring a, nainu neh naipa dang khom a la nei a.

²⁰Jareda khah kum rizakuakka sômirukka inikah a nit tenan chu a thi tâk a.

²¹Enoka khan kum sômirukka ringakah a nitin naiipa Methusela a nei a;

²²Methusela a nei zoi nungah khan Enoka khah kum rizathumka sung Pathian neh munkan an lêng ngai a, nainu neh naipa dang khom a la nei a.

²³Enoka khah kum rizathumka sômirukka ringakah ai ring a nit.

²⁴Enoka khah a damsung kârkah Pathian neh ripôlin a om a; khanchu, Pathianin a ṭhui tâk sikin ani chu om khâi mak a.

²⁵Methusela khan kum rizalei sômiriatka sarikah a nitin naiipa Lameka a nei a;

²⁶Lameka a nei zoi nungah khan Methusela khah kum rizasarika sômiriatka inikah a la ring a, nainu neh naipa dang khom a la nei a.

²⁷Methusela khah kum rizakuakka sômirukka ikuakkah a nit tenan chu a thi tâk a.

²⁸Lameka khan kum rizalei sômiriatka inikah a nitin naiipa a nei a;

²⁹“Hi nai ngêi hin PUMAPA vânisâm ram rinênga ei sin sôlna ata hih sôlchanna nê thlun a ti,” itin a naipa riming khah Nova a sak a.

³⁰Nova a nei zoi nungah khan Lameka khah kum rizarngaka sômikuakka ringakah a la ring a, nainu neh naipa dang khom a la nei a.

³¹Lameka khah kum rizasarika sômsarika sarikah a nit tenan chu a thi tâk a.

³²Nova khah kum rizarngakah a nitin chu naiipa ithumkah Sema, Hama neh Jafeta hei a nei a.