Read Biete 1 RICHISUINA 2 Bible Online

1 RICHISUINA 2 - Biete bible

1 RICHISUINA 2

¹Hihei hi Jakoba naipa sômleiinikahei chu an nit: Reubena, Simeona, Levia, Juda, Isakara, Zebuluna,

²Dana, Josefa, Benjamina, Naftalia, Gada neh Asera.

³Juda khan naiipa ringakah a nei a: A nupui Kanan mi Batsuaii ata kha naiipa ithumkah a nei a: Era, Onana, Sela hei an nit.

⁴Khante, â moinu Tamari ata kha Juda khan naipa inikah Pereza neh Zera ai nei sa a nit.

⁵Pereza khan naiipa inikah Hezrona neh Hamula a nei a.

⁶A unaipa Zera khan naiipa ringakah Zimria, Ethana, Hemana, Kalkola, Dara hei ai nei a nit.

⁷Khante, Zera richi lâia mi Karmia naipa Akana khan Pathian ta ranga serinran tâk râllâk thil kha lei ithup zâiin Israelhei chungah siatna a îthlun a nit.

⁸Ethana khan naiipa khatkah Azaria ai nei a nit.

⁹Hezrona khan naiipa ithumkah Jerameela, Rama, Kaleba hei a nei a.

¹⁰Rama khan Aminadaba a nei a, Aminadaba khan Juda nama mi lian Nasona a nei a.

¹¹Nasona khan Salma a nei a, Salma khan Boaza a nei a, Boaza khan Obeda a nei a,

¹²Obeda khan Jesaia a nei a.

¹³Jesaia khan naiipa sarikah a nei a, an kum ridot dânin anni kha Eliaba, Abinadaba, Simea,

¹⁴Nathanela, Redaia,

¹⁵Ozema neh Davida an nit.

¹⁶Nai nupang inikah Zeruii neh Abigaili a nei sa a. Khante, Zeruii khan naiipa ithumkah Abisaia, Joaba neh Asahela hei ai nei a nit.

¹⁷Abigaili khan Amasa a nei a, Amasa pa chu Ismael richia mi Jethera a nit.

¹⁸Hezrona naipa Kaleba khan Azubi nupuiin a nei a, nai nupang Jerioti a nei a. Ani khan naiipa ithumkah Jesera, Sobaba neh Ardona hei a nei a.

¹⁹Khante, Azubi thi nungah khan Kaleba khan Efrati kha nupuiin a nei nôk a, naipa Hora an nei a.

²⁰Hora khan Uria a nei a, Uria khan Bezalela a nei a.

²¹Khante, Hezrona kha kum sômirukka mi a nitin Gileada pa Makira nainu nupuiin a nei nôk a, naipa Seguba an nei a.

²²Seguba khan naiipa Jaira a nei a, Jaira kha Gilead rama khopui sôminikah ithumka chungah ân lal a.

²³Khannisela, Gesura neh Arama khan kha rama khua sômirukkah kha an lâk pêk a, Jaira neh Kenat khua neh a khotehei murdi khom an lâk sa a. Kha khuaa omhei kha Gileada pa Makira richihei korong an nit.

²⁴Hezrona thi nungah khan Kaleba khan a pa nupui Efrati[1] kha nupuiin a nei a. Naipa Asura an nei a, ani kha Tekoa khua indingtu a nit.

²⁵Hezrona nai lutîr Jerameela khan naiipa ringakah a nei a: a ulian tak kha Rama a nit a, khanung Buna, Orena, Ozema, Ahija hei an nit.

²⁶Jerameela khan nupui dang Atari a nei a, naiipa Onama an nei a.

²⁷Jerameela naipa ulian tak Rama khan naiipa ithumkah Maaza, Jamina, Ekera hei ai nei a nit.

²⁸Onama khan naiipa inikah Samaia neh Jada a nei a; khante, Samaia khan naiipa inikah Nadaba neh Abisura a nei a.

²⁹Abisura khan Abihaili nupuiin a nei a, naiipa inikah Abana neh Molida a nei a.

³⁰Abisura inzirpuipa Nadaba khan naiipa inikah Seleda neh Apaima a nei a. Seleda kha chu nai nei loiin ai thi a nit.

³¹Apaima khan Isia a nei a, Isia khan Sesana a nei a, Sesana khan Alaia ai nei a nit.

³²Samaia unaipa Jada khan Jethera neh Jonathana a nei a; Jethera kha chu nai nei loiin ai thi a nit.

³³Jonathana khan Peleta neh Zaza a nei a. Khahei murdi kha Jerameela richihei chu an nit.

³⁴Sesana khan naiipa nei mak a, nai nupang bang a nei a. Suak, Aigupta mi Jara a nei a.

³⁵Sesana khan a nainu khatkah kha a suak Jara kha nupuiin ân nei a, naiipa Ataia an nei a.

³⁶Ataia khan Nathana a nei a, Nathana khan Zabada a nei a.

³⁷Zabada khan Eflala a nei a, Eflala khan Obeda a nei a,

³⁸Obeda khan Jehua a nei a, Jehua khan Azaria a nei a,

³⁹Azaria khan Heleza a nei a, Heleza khan Eleasa a nei a,

⁴⁰Eleasa khan Sismaia a nei a, Sismaia khan Saluma a nei a,

⁴¹Saluma khan Jekamia a nei a, Jekamia khan Elisama ai nei a nit.

⁴²Jerameela inzirpuipa Kaleba nai lutîr chu Mesa a nit a. Mesa kha Zifa pa a nit. Zifa khan Maresa a nei a, Maresa khan Hebrona a nei a.

⁴³Hebrona khan naipa ilikah, Kora, Tapua, Rekema, Sema hei a nei a.

⁴⁴Sema khan Rahama a nei a, Rahama khan Jorkeama a nei a. Khante, Sema inzirpuipa Rekema khan Samaia a nei a.

⁴⁵Samaia khan Maona a nei a, Maona khan Bethzura ai nei a nit.

⁴⁶Kaleba khan a thâikêm Efaii ata kha naipa ithumkah Harana, Moza neh Gazeza hei a nei a. Harana khan naiipa khatkah Gazeza ngir ai nei sa a.

⁴⁷Mi khatkah arming Jadaia khan naiipa irukkah Regema, Jothama, Gesana, Peleta, Efaa, Saafa hei a nei a.

⁴⁸Kaleba khan a thâikêm dang Maaki ata kha naiipa inikah Sebera neh Tirhana a nei a.

⁴⁹Khanungah khan Maaki khan naiipa inikah Saafa neh Seva a nei pêk nôk a. Saafa kha Madmana khua indingtu a nit a, Seva kha Makbena neh Gibea khua indingtu a nit. Kaleba khan nainu Aksaii ai nei sa a nit.

⁵⁰Hihei khom hih Kaleba richihei an nit: Kaleba neh a nupui Efrati nai lutîr kha Hora a nit a. Hora naipa Sobala kha Kiriath Jearim khua indingtu a nit.

⁵¹A naipa, a milâi Salma kha Bethlehem khua indingtu a nit, a naipa â thumna Harefa kha Bethgader khua indingtu a nit.

⁵²Kiriath Jearim khua indingtu Sobala kha Haroe neh Menuhota om rizâtkahei richibul a nit.

⁵³Kiriath Jearima om namhei Ithrahei, Puthei, Somathei, Misrahei khom hi archihei an nit. Zora neh Estaol khopuia omhei khom hi nam iṭanghei hi an nit.

⁵⁴Bethlehem khua indingtu Salma kha Netofat khua Atrot Beth Joab khua omhei richibul a nit. Manahata om nam inikahei lâia nam khatkah Zorhei richibul khom a nit.

⁵⁵Lekha riziak ithiam nam, Jabes khua om Tirathei, Simeat hei, Sakathei kha Kenhei neh chi khatkah an nit a, Rekabhei neh rinei polhei kha an nit.