Read Biete 1 RICHISUINA 6 Bible Online

1 RICHISUINA 6 - Biete bible

1 RICHISUINA 6

¹Levia khan naiipa ithumkah Gersona, Kohatha neh Meraria hei a nei a.

²Kohatha khan naiipa ilikah Amrama, Izhara, Hebrona neh Uziela hei a nei a.

³Amrama khan naiipa inikah Arona neh Mosia a nei a, nai nupang Miriami ai nei a nit. Arona khan naiipa ilikah Nadaba, Abihua, Eleazara neh Ithamara hei a nei a.

⁴Eleazara richihei kha an rikhûk ridot dânin hihei hi an nit: Finehasa, Abisua,

¹⁰Azaria (Solomona isin Jerusalema Tempila thiampu sin ithotu kha a nit.)

¹¹Amaria, Ahituba,

¹²Zadoka, Saluma,

¹³Hilkia, Azaria,

¹⁴Seraia, Jehozadaka.

¹⁵PUMAPA khan Judai ram neh Jerusalem khua rêng Nebukadnezara kutah a pêk lâiah khan Jehozadaka khom kha suakah a îtâng sa a nit.

¹⁶Levia khan naiipa ithumkah Gersona, Kohatha neh Meraria hei a nei a.

¹⁷Annihei khan naiipa an nei tam a. Gersona khan Libnia neh Simeia a nei a.

¹⁸Kohatha khan Amrama, Izhara, Hebrona neh Uziela hei a nei a.

¹⁹Meraria khan Mahlia neh Musia a nei a.

²⁰Gersona richihei, an rikhûk ridot dânin hihei hi an nit: Libnia, Jahata, Zima,

²¹Joa, Idoa, Zera, Jeatheraia.

²²Kohatha richihei, an rikhûk ridot dânin hihei hi an nit: Aminadaba, Kora, Asira,

²³Elkana, Ebiasafa, Asira,

²⁴Tahatha, Uriela, Uzia, Shaula.

²⁵Elkana khan Amasaia neh Ahimotha a nei a.

²⁶Ahimotha richihei, an rikhûk ridot dânin hihei hi an nit: Elkana, Zofaia, Nahata,

²⁷Eliaba, Jerohama, Elkana.

²⁸Samuela khan naiipa inikah a nei a, a ulian ual kha Joela[2] a nit a, a naipang ual chu Abija a nit.

²⁹Meraria richihei, an rikhûk ridot dânin hihei hi an nit: Mahlia, Libnia, Simeia, Uza,

³⁰Simea, Hagia, Asaia.

³¹Jerusalem khuaah Thuthlung Bôm an sia nungah khan rêng Davidan hi mihei hi Pathian biak huna zâipôl ruaitu ranga ai phunhei chu an nit.

³²Solomonan Jerusalema Tempil a sin ma khomah khan Ritongna Puan-Inah khan la sakin zâi an vôr ngai a, a pôl pôlin an zâipôl sak zoro an irsem kual ngai a nit.

³³Kha mihei rikhûk risui dân chu hingka hin a nit: Kohatha panamhei: Zâipôl â khatna ruaitu chu Joela naipa Hemana a nit. Hemana chibulhei Jakoba dêna rikhûk hang ridot dân chu hingka hin a nit: Hemana, Joela, Samuela,

³⁴Elkana, Jerohama, Eliela, Toa,

³⁵Zufa, Elkana, Mahata, Amasaia,

³⁶Elkana, Joela, Azaria, Zefania,

³⁷Tahatha, Asira, Ebiasafa, Kora,

³⁸Izhara, Kohatha, Levia, Jakoba.

³⁹Asafa kha zâipôl â nikna ruaitu a nit. A insungkua rikhûk hang ridot dân chu hingkan a nit: Asafa, Berekia, Simea,

⁴⁰Mikaela, Baaseia, Malkiza,

⁴¹Ethnia, Zera, Adaia,

⁴²Ethana, Zima, Simeia,

⁴³Jahata, Gersona, Levia.

⁴⁴Meraria panama mi Ethana kha zâipôl â thumna ruaitu a nit. A insungkua rikhûk hang ridot dân chu hingkan a nit: Ethana, Kisia, Abdia, Maluka,

⁴⁵Hasabia, Amazia, Hilkia,

⁴⁶Amzia, Bania, Semera,

⁴⁷Mahlia, Musia, Meraria, Levia.

⁴⁸An chipui, Levia richi danghei kha Pathian biak ina sin dang murdi tho rangin inringat an nit.

⁴⁹Arona neh archihei kha chu mâichâma namhoi ihâl a, hâlrivâm thillan lantu an nit. Mun Rithiang taka Pathian ibia rêng rêng chu anmani sintum a nit. Pathianin a mi Israelhei sual ngaidamna ranga thillan murdi khom anmani lan rang a nit. Pathian suak Mosian thu a lei pêk lam angkah takin khahei murdi kha an itho ngai a nit.

⁵⁰Arona richi zuk ridot dân chu hingkan a nit: Arona, Eleazara Finehasa, Abisua,

⁵¹Bukia, Uzia, Zerahia,

⁵²Meraiota, Amaria, Ahituba,

⁵³Zadoka, Ahimaaza.

⁵⁴Arona richi Kohatha panamhei vângsakna mun chu hihei hi a nit: Levia richihei omna rang mun an ipêkah khan anni hin rangtum masa tak an dong a.

⁵⁵Judai rama Hebron neh a kôlvêl ran vâina mual tlânghei kha an idong a nit.

⁵⁶Hi khopui ihuam sunga khotehei neh loimunhei kha chu Jefunea naipa Kaleba an pêk a.

⁵⁷Hi khuahei hih Arona richihei an ipêk chu a nit: Hebron, Zôkna khopui khom a nit; Jatir, Libna neh a kôlvêl khuahei, Estemoa neh a kôlvêl ran vâinahei, Hilen neh a kôlvêl ran vâinahei, Debir neh a kôlvêl ran vâinahei, Asan neh a kôlvêl ran vâinahei, Beth Semes neh a kôlvêl ran vâinahei.

⁵⁸

⁵⁹

⁶⁰Benjamin namhei bialah khan hi khuahei neh a kôlvêl ran vâinahei hi an ipêk a nit: Geba, Alemeth neh Anathot. An insungkua murdi omna rang khopui an ipêk chu a rêngkan khua sômleiithumkah a nit.

⁶¹Thlang tiang Manasea nam rizâtkahei bialah Kohatha panam sunga mi danghei omna rang thlasânin a insungkua kuan khopui sômkah an pêk a.

⁶²Gersona panamhei kha an insungkua kuaa an omna rang, Isakar namhei, Aser namhei, Naftali namhei neh Basan ram sak tianga Manasea richihei omna ramhei ata khopui sômleiithumkah an pêk a.

⁶³Meraria panamhei khom kha an insungkua kuaa omna rangin, Reuben namhei, Gad namhei, Zebulun namhei ram ata khopui sômleiinikah an pêk a.

⁶⁴Khangkan Israel mihei khan Levia richihei omna rang khua neh a kôlvêl mual tlâng ran vâina munhei kha an ipêk a nit.

⁶⁵(Juda namhei, Simeon namhei, Benjamin namhei rama khopui an înkung pêk tâkhei khom kha thlasânin an ipêk a nit.)

⁶⁶Kohatha panama insungkua rui ṭhenkahei kha chu Efraim namhei rama khopuihei neh a kôlvêl ran vâinahei kha ipe an nit.

⁶⁷Efraim tlângrama zôkna khopui Sekem neh a kôlvêl hei, Gezer neh a kôlvêl hei,

⁶⁸Jokmeam neh a kôlvêl hei, Beth Horon neh a kôlvêl hei,

⁶⁹Aijalon neh a kôlvêl hei, Gath Rimon neh a kôlvêl hei kha an pêk a.

⁷⁰Thlang Manase nam rizâtkahei ramah khan, Aner neh a kôlvêl hei, Bileam neh a kôlvêl hei kha an pêk a.

⁷¹Gersona panama insungkua ruihei kha hi khuahei neh a kôlvêl ran vâinahei kha an ipêk a nit: Khosak Manasea namhei ram ata kha Basan rama Golan neh a kôlvêl hei, Astarot neh a kôlvêl hei an pêk a.

⁷²Isakar namhei ram ata kha Kades neh a kôlvêl hei, Daberat neh a kôlvêl hei,

⁷³Ramot neh a kôlvêl hei, Anem neh a kôlvêl hei an pêk a.

⁷⁴Aser namhei ram ata kha Masal neh a kôlvêl hei, Abdon neh a kôlvêl hei,

⁷⁵Hukok neh a kôlvêl hei, Rehob neh a kôlvêl hei an pêk a.

⁷⁶Naftali namhei ram ata kha Galili rama Kades neh a kôlvêl hei, Hamon neh a kôlvêl hei, Kiriathaim neh a kôlvêl hei an pêk a.

⁷⁷Meraria panama insungkua rui danghei kha chu hi khuahei neh a kôlvêl ran vâinahei hi an ipêk a nit: Zebulun namhei ram ata kha Rimono neh a kôlvêl hei, Tabor neh a kôlvêl hei an ipêk a nit.

⁷⁸Jordan sak tiang pang Jeriko ridîn, Reuben namhei ram ata kha itlâng phâizôla Bezer khua neh a kôlvêl hei, Jahza neh a kôlvêl hei,

⁷⁹Kedemot neh a kôlvêl hei, Mefaat neh a kôlvêl hei an ipêk a nit.

⁸⁰Gad namhei ram ata kha Gilead rama Ramot khua neh a kôlvêl hei, Mahanaim neh a kôlvêl hei,

⁸¹Hesbon neh a kôlvêl hei, Jazer neh a kôlvêl hei an ipêk a nit.