Read Biete 1 RICHISUINA 7 Bible Online

1 RICHISUINA 7 - Biete bible

1 RICHISUINA 7

¹Isakara khan nai pasal ilikah a nei a, Tola, Pua, Jasuba, neh Simrona an nit.

²Tola khan nai pasal irukkah a nei a, Uzia, Refaia, Jeriela, Jamaia, Ibsama neh Semuela an nit. Tola panama insungkua ruia a lupui korong an nit a, anmani rikhûka chu râlpa korong an nit. Rêng Davida dam lâiah khan an richihei kha mi sînginikah sânginikah rizarukkah an nit.

³Uzia khan nai pasal khatkah Izrahia a nei a. Izrahia neh a nai pasal ilikah Mikaela, Obadia, Joela neh Isia hei kha an rêngkan insungkua ruia lupui korong an nit.

⁴Anni khan nupui itam takka neh nai itam takka an nei a, an richihei lâi ata kha sipai sîngithumkah sângirukkah an iom thei a nit.

⁵Insungkua ritepna tep Isakar nama mi râl idoi thei ipa chu sîngiriatkah sângsarikah an nit.

⁶Benjamina khan nai pasal ithumkah a nei a: Bela, Bekera neh Jediela hei an nit.

⁷Bela khan nai pasal ringakah a nei a: Ezbona, Uzia, Uziela, Jerimotha neh Iria hei an nit. An panam insungkua ruia lupui korong an nit a, an rêngkan râlpa korong an nit. An richihei lâiah khan ridoinaa ṭang thei ipa mi sînginikah sânginika sômithumka ilikah an iom a nit.

⁸Bekera khan nai pasal ikuakkah a nei a: Zemira, Joasa, Eliezera, Elioenaia, Omria, Jeremota, Abija, Anathota neh Alemetha an nit.

⁹Insungkua ritepna riziak dânin râl idoi thei ipa khom mi sînginikah rizanikah an iom a nit.

¹⁰Jediaela khan nai pasal khatkah Bilhana a nei a. Bilhana khan nai pasal sarikah Jeusa, Benjamina, Ehuda, Chenaana, Zethana, Tarsisa neh Ahisahara hei ai nei a nit.

¹¹Panama insungkua ruia lupui korong an nit a, an rêngkan râlpa korong an nit. An richihei lâiah khan ipa râl idoi thei ringot khom mi sînglei sângsarika rizanikah an iom a nit.

¹²Sopima neh Hupima khom hi nama ṭang sa an nit. Dana khan nai pasal khatkah Husima ai nei a nit.

¹³Naftalia khan nai pasal ilikah a nei a: Jaziela, Gunia, Jezera neh Saluma hei an nit. (Anni hi Bilhaii richihei an nit.)

¹⁴A thâikêm Aramean mi ata Manasea khan nai pasal inikah Asriela neh Makira ai nei a nit. Makira khah Gileada pa a nit.

¹⁵Makira khan Hupima neh Sopima kha nupui ân nei a. A farnu riming chu Maaki a nit. Makira nai pasal â nikna chu Zelofehada a nit a, ani khan nai nupanghei bang ai nei a nit.

¹⁶Makira nupui Maaki khan nai pasal inikah Peresa neh Seresa a nei a. Peresa khan nai pasal inikah Ulama neh Rakema a nei a.

¹⁷Khante, Ulama khan naipa arming Bedana ai nei a nit. Khahei murdi kha Manasea nai Makira naipa Gileada richihei chu an nit.

¹⁸Gileada farnu Hamoleketi khan nai pasal ithumkah Isoda, Abiezera neh Mola hei a nei a.

¹⁹(Semida khan nai pasal ilikah Ahiana, Sekema, Likhia neh Aniama hei ai nei a nit.)

²⁰Efraima richihei rikhûk ridot dân chu hingkan a nit: Efraima, Sathela, Bereda, Tahatha, Eleada, Tahatha,

²¹Zabada, Sathela a nit. Efraima khan Sathela banah khan naiipa dang inikah Ezera neh Eleada a nei sa a; khannisela, kha rama om Gath kho mihei bera an zu rûk lâiin an lei ithat tâk a nit.

²²An pa Efraima khan sûn isôt takka a ṭâ a, ân zirpuihei kha lungngam isak rangin a ziangah an ihong a nit.

²³Khanungchu, a nupui kha a zâlpui nôk a, nai a hong vong a, naipa a nei a, an insungkua vânduainan arkhû sikin armingah khan Beria[3] an sak a.

²⁴Efraima khan nai nupang khatkah Seeri a nei a. Ani khan Beth Horon chuanchung neh chuannuai khua neh Uzen Seeri khuahei kha ai siam a nit.

²⁵Efraima khan naipa arming Refa khom a nei sa a, archihei rikhûk ridot dân chu hingkan a nit: Refa, Resefa, Tela, Tahan,

²⁶Ladana, Amihuda, Elisama,

²⁷Nuna, Josua an nit.

²⁸An ram lâk, an om tâkna ram khan Bethel neh a kôlvêl khuaheia rithokin sak tiang Naaran khua a dên a, thlang tiang Gezer neh a kôlvêl khuahei idên a nit. Sekem khopui neh a kôlvêl khuahei neh Aia khopui neh a kôlvêl khuahei kha ai huam sa a nit.

²⁹Manasea richihei khan Beth-Sean khopui, Taanaka khopui, Megido khopui, Dor khopui neh an kôlvêl khotehei kha an thunuaiah an îkol a nit. Kha munhei murdiah khan Jakoba naipa Josefa richihei chu an iom a nit.

³⁰Hihei hi Asera richihei an nit: Asera khan nai pasal ilikah Imna, Isva, Isvia, Beria hei neh nai nupang khatkah Seraii ai nei a nit.

³¹Beria khan naiipa Hebera neh Malkiela a nei a. Malkiela khan Birzait khopui ai siam a nit.

³²Hebera khan nai pasal ithumkah Jafleta, Somera, Hothama hei neh nai nupang khatkah Soaii a nei a.

³³Jafleta khan nai pasal ithumkah Pasaka, Bimhala neh Asvatha hei a nei a.

³⁴A unaipa Somera khan nai pasal ithumkah Roga, Jehuba neh Arama hei a nei a.

³⁵A unaipa Hothama khan nai pasal ilikah Zofa, Imna, Selesa neh Amala hei ai nei a nit.

³⁶Zofa richihei chu Soaia, Harnefera, Suala, Beria, Imra,

³⁷Bezera, Hoda, Sama, Silsa, Ithran neh Beera hei an nit.

³⁸Jethera richihei chu Jefunea, Pispa neh Ara an nit a.

³⁹Ula richihei chu Ara, Haniela neh Rizia hei an nit.

⁴⁰Khahei murdi kha Asera richihei an nit. Anni kha an insungkua ruia lupui korong an nit a, râlpa neh ruaitun thang an nit. Asera richihei lâiah ridoinaa ṭang thei ipa mi sînginikah sângirukkah an iom a nit.