Read Biete 1 RICHISUINA 9 Bible Online

1 RICHISUINA 9 - Biete bible

1 RICHISUINA 9

¹Israel murdihei kha an insungkua rui chitin itep an nit a, Israel Rênghei Lekhabuah inchuang a nit. Judai rama mi murdihei kha an sual sika kuttum thonan Babilonah suaka ṭhuiin an om riai a.

²An in neh loi omna khopuiheia hong kîr nôk masa takhei chu Israel mi vântlânghei, thiampuhei, Levia chihei, Tempil sinthotuhei an nit.

³Juda namhei, Benjamin namhei, Efraim namhei neh Manase namhei kha Jerusalema om rangin an fe a.

⁴Juda nam Jerusalema omhei kha insungkua rizarukkah sômikuakkah an nit. Juda nai, Pereza richihei ruaitu kha Amihuda naipa Uthaia a nit a, a pu chu Omria a nit a, ani kha Imria nai a nit a, ani kha Bania nai a nit. Juda nai, Sela richihei ruaitu kha Asaia a nit a, an insungkua lupui tak a nit. Juda nai, Zera richihei ruaitu kha Jeuela a nit.

⁷Hihei hi Benjamin nama mi Jerusalema omhei chu an nit: Salua insungkuahei, ani kha Mesulama naipa a nit a, ani kha Hodavia naipa a nit a, ani kha Hasenua naipa a nit. Ibnea insungkuahei, ani kha Jerohama naipa a nit. Ela insungkuahei, ani kha Uzia naipa a nit a, ani kha Mikiria naipa a nit. Mesulama insungkuahei, ani kha Sefatia naipa a nit a, ani kha Reuela naipa a nit a, ani kha Ibnija naipa a nit.

⁹Benjamin nama mi Jerusalema om chu insungkua rizakuakkah sômringakah irukkah an nit. A chunga riming inlanghei murdi khi panam lupuihei korong an nit.

¹⁰Jerusalema om thiampuhei chu hihei hi an nit: Jedaia, Jehoiariba, neh Jakina, Azaria, ani hi Tempila ruaitu tak a nit; ani kha Hilkia naipa a nit a, ani kha Mesulama naipa a nit a, ani kha Zadoka naipa a nit a, ani kha Meraiota naipa a nit a, ani kha Ahituba naipa a nit. Adaia, ani kha Jerohama naipa a nit a, ani kha Pasura naipa a nit a, ani kha Malkija naipa a nit. Maasaia, ani kha Adiela naipa a nit a, ani kha Jazera naipa a nit a, ani kha Mesulama naipa a nit a, ani kha Mesilemita naipa a nit a, ani kha Imera naipa a nit.

¹³Thiampu, insungkuaka lupuihei chu an rêngkan mi sânglei rizasarika sômirukkah an nit. Tempil sin murdi itho thiam korong an nit.

¹⁴Levia chi Jerusalema omhei chu hihei hi an nit: Semaia: Ani kha Hasuba naipa a nit a, ani kha Azrikama naipa a nit a, ani kha Meraria panama mi Hasabia naipa a nit. Bakbakara, Heresa neh Galala. Matania: Ani kha Mika naipa a nit a, ani kha Zikria naipa a nit a, ani kha Asafa naipa a nit. Obadia: Ani kha Semaia naipa a nit a, ani kha Galala naipa a nit a, ani kha Jeduthuna naipa a nit. Berekia: Ani kha Asa naipa a nit a, ani kha Netofathei khuaa mi Elkana naipa a nit.

¹⁷Tempil vêngtu Jerusalema omhei chu hihei hi an nit: Saluma, Akuba, Talmona neh Ahimana hei an nit. Saluma kha an ruaitu tak a nit.

¹⁸Kha lâi ata kha an panama mihei khan sua tiang pang lûtna Rêng Kotbâi kha an rung ngai a. Matonah khan chu Levia chihei riabuk kotbâi kha an irung ngai a nit.

¹⁹Ebiasafa nai Korea naipa Saluma kha a suapui Kora panama mihei neh khan Tempil lûtna kha an rung ngai a, an puhei khom kha Ritongna Puan-In lûtna rungtu an lei init ngai a nit.

²⁰Eleazara naipa Finehasa kha (PUMAPA khan ompui riseh) matonah khan chu an ruaitu a lei nit ngai a.

²¹Meselemia naipa Zakaria khom kha Ritongna Puan-In kotbâi irungtu a lei nit a.

²²Kha kotbâi irungtu ranga rithlang murdihei kha mi rizanikah sômleiinikah an nit a. An omna khua chitah insungkua ritepnaah riziak an nit. Rêng Davida neh Zânthla Samuela khan an puhei kha hi sin itho rangin an lei înkung tâk a nit.

²³Khangkan anmani neh an richihei khan PUMAPA Tempil kotbâi kha ienkolin, an irung mai ngai a nit.

²⁴Â kil ilikan, sak tiang pangah, thlang tiang pangah, mâr tiang pangah, sim tiang pangah khan kotbâi a om a, kha kotbâi rungtuhei khan ruaitu ran an inei chit a nit.

²⁵Hi kotbâi rungtuhei hi an suapui khosunga omhei khomin sûn sarikah chita risemin an hong ithlop ngai a nit.

²⁶Kotbâi rungtuhei ruaitu ilikah, thuneitu takhei kha Levia chi an nit a, Tempila chontan dang dang hei, a sunga thil an isia murdi iṭha taka enkol kha an sintum a nit.

²⁷Khangkan zîng tina kotbâi iong neh â enkol khah an sintum a nit sikin Tempil kôlah khan an iom ngai a nit.

²⁸Levia chi ṭhenkahei khan Tempila mang ngai bûrbêlhei an enkol a. Mang fengin an sia lût rang neh an lâk suak rangin an itep ngai a nit.

²⁹Ṭhenkah chu Tempil thil iser enkoltu an nit: ibaidi hei, uain hei, oliv riak hei, namhoi hei, bero hei kha an kuta om a nit.

³⁰Khannisela, namhoi inripol kha chu thiampuhei tho tum a nit.

³¹Kora panama mi Saluma nai uliantak Matithia kha thillana ikhop sa rang ibaithliam izêi tianga ruaitu a nit.

³²Kohatha panama mihei kha sabatnî tina Tempila seh rang ibai iser inrifûk ngaitu an nit.

³³Levia richi ngir, insungkua ṭhenkahei kha Tempila lâ saktu an nit a. Asûn neh azânin, tiklâi khomin ikoi thei an nit sikin an ruaituhei chu Tempil chontan khatkatah an om ngai a, sin dang rêng rêng an itho no a nit.

³⁴Kha riming zuang inlang tâkhei kha Levia richi dang dang, an richi zuang risui dâna Levihei insungkua lupuihei an nit. Ruaitu an nit a, Jerusalema om an nit.

³⁵Jeiela khan Gibeon khopui a siam a, amakhan a om a. A nupui kha Maaki a nit a.

³⁶A nai uliantak kha Abdona a nit a, a nai danghei chu Zura, Kisa, Baala, Nera, Nadaba,

³⁷Gedora, Ahioa, Zakaria neh Miklotha an nit.

³⁸Miklotha hi Simea pa a nit. An richihei kha an panam rui danghei kôlah Jerusalemah khan an iom a nit.

³⁹Nera khan Kisa a nei a, Kisa khan Saula a nei a, Saula khan Jonathana, Malkisua, Abinadaba neh Esbaala hei a nei a.

⁴⁰Jonathana khan Meribaala a nei a, Meribaala khan Mika ai nei a nit.

⁴¹Mika khan nai pasal ilikah Pithona, Meleka, Tarea neh Ahaza hei a nei a.

⁴²Ahaza khan Jara a nei a, Jara khan Alemetha, Azmaveta, neh Zimria a nei a. Zimria khan Moza a nei a.

⁴³Moza khan Binea a nei a, Binea khan Refaia a nei a, Refaia khan Eleasa a nei a, Eleasa khan Azela ai nei a nit.

⁴⁴Azela khan nai pasal irukkah, Azrikama, Bokerua, Ismaela, Searia, Obadia neh Hanana hei ai nei a nit.