Read Biete 2 RICHISUINA 27 Bible Online

2 RICHISUINA 27 - Biete bible

2 RICHISUINA 27

¹Jothama kha kum sôminikah kum ringakah mi a nitin rêng a chang a, Jerusalemah kum sômlei kum irukkah a înlal a nit. A nu khah Zadoka nainu Jerusaii a nit.

²A pa angkah ngirin PUMAPA lungdo a sin a; khan a pa angkan chu Tempila namhoi ihâlin sual sin mak e. Mipuihei chu an isual ngai lamin an isual mai a.

³Tempil Mâr Kotbâi khah Jothama isiam a nit a, Jerusalem khopui kul bang “Ofel” an iti mun vâng chu iṭha takkan a siaminṭhat bîk a.

⁴Judai ram sungah khuahei ân ding a, rampuiheiah kulpui neh râlrungbûkhei ai siam a nit.

⁵Amon rêng neh an ridoi a; â nê a. Khanchu, Amon mihei khah tangkarua her sângithumkah rizalikah, huit quintal sîngkah, barli quintal sîngkah kum ithumka sung kum tin sia a închôi ngai a nit.

⁶Jothama khah PUMAPA a Pathian thu a zôm sikin a hong roinpui ok tâk a.

⁷Jothama inlal lâia thil itlung thurchi, mi neh an ridoi thuhei neh a thil rêl dânhei chu Israel neh Juda rênghei thurchi riziakna Bu-ah ai chuang riai a nit.

⁸Jothama khah rêng a changah khan kum sôminikah kum ringaka mi a nit a, Jerusalemah kum sômlei kum irukkah a înlal a nit.

⁹A thi a, Davida khopuiah an phûm a, a naipa Ahaza khah arthûlin rêng a chang tâk a.