Read Biete EZRA 2 Bible Online

EZRA 2 - Biete bible

EZRA 2

¹Judai rama mi bôia ṭhui, Babilon rêng Nebukadnezaran Babilona ai ṭhui, Jerusalem neh Judai rama kîr nôk a, mi tin mahni khua tiang chita fehei chu hihei hi an nit.

²An ruaituhei chu Zerubabela, Jesua, Nehemia, Seraia, Reelaia, Mordekaia, Bilsana, Mispara, Bigvaia, Rehuma, Baana hei an nit. Israel mi, panam dang dang bôi ata hong ikîr nôk panam chit tam zâk chu hingka hin an nit:

³Parosa richihei mi sânginika rizalei sômsarika inikah; Sefatia richihei mi rizathumka sômsarika inikah; Ara richihei mi rizasarika sômsarika ringakah; Pahat-Moaba richi Jesua neh Joaba richihei mi sânginika rizariatka sômleiinikah; Elama richihei mi sânglei rizanika sômringaka ilikah; Zatua richihei mi rizakuakka sômilika ringakah; Zakaia richihei mi rizasarika sômirukkah; Bania richihei mi rizarukka sômilika inikah; Bebaia richihei mi rizarukka sôminika ithumkah; Azgada richihei mi sânglei rizanika sôminika inikah; Adonikama richihei mi rizarukka sômirukka irukka; Bigvaia richihei mi sânginika sômringaka irukkah; Adina richihei mi rizalika sômringaka ilikah; Atera (Hezekia an iti ngai) richihei sômikuakka iriatkah; Bezaia richihei mi rizathumka sôminika ithumkah; Jora richihei mi rizalei sômleiinikah; Hasuma richihei mi rizanika sôminika ithumkah; Gibara richihei mi sômikuakka ringak(...)

²¹An chibulheia rithoka hi khuaheia lei iom tâk ngaihei khom hingka hin an hong ikîr nôk a nit: Bethlehem kho mi rizalei sôminika ithumkah; Netofa kho mi sômringaka irukkah; Anathota kho mi rizalei sôminika iriatkah; Azmaveta kho mi sômilika inikah; Kiriath Jearim, Kefira neh Beerota kho mi rizasarika sômilika ithumkah; Rama neh Geba kho mi rizarukka sôminika khatkah; Mikmasa kho mi rizalei sôminika inikah; Bethel neh Ai kho mi rizanika sôminika ithumkah; Nebo kho mi sômringaka inikah; Magbisa kho mi rizalei sômringaka irukkah; Elam dang kho mi sânglei rizanika sômringaka ilikah; Harima kho mi rizathumka sôminikah; Loda, Hadid neh Ono kho mi rizasarika sôminika ringakah; Jeriko kho mi rizathumka sômilika ringakah; Sena kho mi sângithumka rizarukka sômithumkah an nit.

³⁶Thiampu richi hong ikîr nôkhei chu hihei hi an nit: Jesua nai Jedaia richihei mi rizakuakka sômsarika ithumkah; Imera richihei mi sânglei sômringaka inikah; Pasura richihei mi sânglei rizanika sômilika sarikah; Harima richihei mi sânglei sômleisarikah an nit.

⁴⁰Levia richi hong ikîr nôkhei chu hingka hin an nit: Hadova richi Jesua neh Kadmiela richihei mi sômsarika ilikah; Tempil Lâ saktuhei, Asafa richihei mi rizalei sôminika iriatkah; Tempil kotkhâr vêngtuhei, Saluma, Atera, Talmona, Akuba, Hatita neh Sobaia richihei mi rizalei sômithumka ikuakkah an nit.

⁴³Tempila sinthotu hong ikîr nôkhei chu hingka hin an nit: Ziha richihei, Hasufa richihei, Tabaota richihei, Kerosa richihei, Siaha richihei, Padona richihei, Lebana richihei, Hagaba richihei, Akuba richihei, Hagaba richihei, Samlaia richihei, Hanana richihei, Gidela richihei, Gehara richihei, Reaia richihei, Rezina richihei, Nekoda richihei, Gazama richihei, Uza richihei, Pasea richihei, Besaia richihei, Asna richihei, Meunima richihei, Nefisima richihei, Bakbuka richihei, Hakufa richihei, Harhora richihei, Bazluta richihei, Mehida richihei, Harsa richihei, Barkosa richihei, Sisera richihei, Tema richihei, Nezia richihei, Hatifa richihei.

⁵⁵Solomona som richihei hong ikîr nôkhei chu hingka hin an nit: Sotaia richihei, Hasofereta richihei, Peruda richihei, Jaala richihei, Darkona richihei, Gidela richihei, Sefatia richihei, Hatila richihei, Pokeret Hazebaima richihei, Amia richihei.

⁵⁸Tempil sinthotu murdi neh Solomona somhei murdi chu mi rizathumka sômikuakka inikah an nit.

⁵⁹Khante, Telmela khua, Telharsa khua, Kerub khua, Adan khua neh Imer khuahei ata hong ikîrhei chu hingka hin an nit: Mi rizarukka sômringaka inikah an nit a; Delaia richihei, Tobia richihei, Nekoda richihei an nit; nikhomsela, Israel richi an nit ngêt iti, an chi neh kuang chu sui thei mak e.

⁶¹Hi thiampu chihei hin an chibul rithokna an isui thei ino a nit: Habaia richihei, Hakoza richihei, Barzilaia richihei, Thiampu Barzilaia richihei kungpui tak khan Gilead mi Barzilai nama mi nupuiin a nei a, a tarpu nam riming kha a irput tâk a nit. Annihei hin an chibul tak an sui suak theino sikin thiampun ipom ni mak e.

⁶³Juda ram optu khan Urim neh Thumim mangtu rang thiampu a om mâkah chu Pathian zianga thillan rithiang kha an fâk ai khap a nit.

⁶⁴Bôia tâng hong ikîr nôk murdi kha an rêngkan mi sîngilikah sânginikah rizathumkah sômirukkah an nit. An isomhei nupang neh ipa an rêngkan mi sângsarikah rizathumkah sômithumkah sarikah an nit a. La saktuhei nupang neh ipa an rêngkan mi rizanikkah an nit. An sakorhei kha rizasarika sômithumkah irukka, Sakuartung ilian chi kha rizanika sômilika ringakah, Saringsei kha rizalika sômithumka ringakah, Sakuartung kha sângirukka rizasarika sôminikah a nit.

⁶⁸Jerusalema PUMAPA Tempil an tlungin chu an panam lu ṭhenkahei khan Tempil kha a mun ngaingira inding nôk rangin tholôm iphal takkan an pêk a.

⁶⁹An nei lam lamin tholôm kha an pêk a, a rêngka khan rângkachak her rizarngakah, tangkarua her sânginika rizariatkah neh thiampuhei zakua rizakah a nit.

⁷⁰Thiampuhei, Levihei neh vântlâng ṭhenkahei kha chu Jerusalema neh a kôlbômah khan an om a, Lâ saktuhei, Tempil kotkhâr vêngtuhei neh Tempil sinthotuhei chu a kôlvêla khuaheiah khan an om a, Israel mi danghei murdi chu an pi neh puhei lei omna ngai chit khua an pan tâk a.