Read Biete NEHEMIA 12 Bible Online

NEHEMIA 12 - Biete bible

NEHEMIA 12

¹Sealtiela naipa Zerubabela neh thiampu laltak Jesua lôma bôia tâng hong ikîr nôk thiampuhei neh Levia chihei chu hihei hi an nit:

²Thiampuhei: Seraia, Jeremia, Ezra, Amaria, Maluka, Hatusa, Sekania, Rehuma, Meremota, Idova, Ginethoia, Abija, Mijamina, Maadia, Bilga, Semaia, Joiariba, Jedaia, Salua, Amoka, Hilkia neh Jedaia hei an nit. Hihei hi Jesua hun lâia thiampu richihei lâia ruaituhei chu an nit.

⁸Levia chihei: Tempila inkhômnaa lômthu sîrna lâ ruaitu Levia chihei chu Jesua, Binuia, Kadmiela, Serebia, Juda neh Matania hei hi an nit.

⁹Bakbukia neh Unoa neh an suapui Levia chipuihei kha sâmna zâipôl isaktu chu an nit.

¹⁰Jesua khan Joiakima a nei a, Joiakima khan Eliasiba a nei a, Eliasiba khan Joiada a nei a,

¹¹Joiada khan Jonathana a nei a, Jonathana khan Jadua ai nei a nit.

¹²Joiakima kha Thiampu Laltak a nit lâiah khan hihei hih thiampu richia ruaituhei chu an nit. Seraia richi lâia ruaitu chu Meraria a nit a, Jeremia richi lâia ruaitu chu Hanania a nit a, Ezra richi lâia ruaitu chu Mesulama a nit a, Amaria richi lâia ruaitu chu Jehohanana a nit a, Malukia richi lâia ruaitu chu Jonathana a nit a, Sebania richi lâia ruaitu chu Josefa a nit a, Harima richi lâia ruaitu chu Adna a nit a, Meraiota richi lâia ruaitu chu Helkaia a nit a, Idoa richi lâia ruaitu chu Zakaria a nit a, Ginethona richi lâia ruaitu chu Mesulama a nit a, Abija richi lâia ruaitu chu Zikria a nit a, Miniamina richi lâia ruaitu chu (Iria ni mak) [2] Moadia richi lâia ruaitu chu Piltaia a nit a, Bilga richi lâia ruaitu chu Samua a nit a, Semaia richi lâia ruaitu chu Jehonathana a nit a, Joiariba richi lâia ruaitu chu Matenaia a nit a, Jedaia richi lâia ruaitu chu Uzia a nit a, S(...)

²²Thiampu laltak Eliasiba, Joiada, Jonathana neh Jadua hei hun lâiin thiampu chihei neh Levia chihei insungkua lupuihei richikna riziak a nit a. Hi richikna hi Persia rêng Daria inlal tenah khan izoi a nit.

²³Khante, Eliasiba naipa Jonathana hun lâi tenah khan Levia chihei chu insungkua lupuihei richikna bu-ah khan inchuang an nit.

²⁴Hasabia, Serebia, Jesua, Binuia neh Kadmiela hei iruaina nuaiah khan Levia chihei chu a pôl pôlin an riṭhen a. Pathian mi rêng Davida thupêk angkan ṭumkatah pôl inikan Pathian inpâk lâ an sak ngai a; pôl khatkan an sak a, ridon liangkan pôl khatkan an isak nôk ngai a nit.

²⁵Matania, Bakbukia Obadia, Mesulama, Talmona, Akuba hei kha Tempil neinunsiana in neh kotbâi vêngtuhei chu an nit.

²⁶Hihei hi Jehozadaka naipa Josua nai Joiakima damlâi, ram optu Nehemia damlâi, thiampu neh lekhaziaktu Ezra damlâia mihei chu an nit.

²⁷Jerusalem kulpui an lannaah khan dârribuhei, perkhuanghei, serandahei rîhoi neh lôm lâ sak rangin Levia chihei kha an omna mun chit ata Jerusalemah khan an hong ṭhui a.

²⁸Khante, Levia chi lâ sak ngaituhei kha Jerusalem neh a kôlvêla omhei, Netofa khopui neh a kôlvêla omhei,

²⁹Bet-Gilgala rithok hei, Gebaa rithok hei, Azmavet khuaa rithok hein an hong ribûm a.

³⁰Thiampuhei neh Levia chihei chu an rithâr a; mipuihei neh kulbanghei, a kotkhârhei khom an thâr inrithiang a.

³¹Khanungchu, Judai rama ruaituhei kha kulpui chung richamah khan ki ṭhui bûm a. Pathian zianga lômthu sîr puma rizôp dûl dûla lôna khopui ivêl rang pôl ilian tak tak pôl inikahei mâruai rangin anni chu ken kung a. Pôl khatkah kha changtiang pang Nimnok Kotbâi tiang an fe a.

³²Zâipôlin ma an iruai a, an inungah khan Hosaia lômin Judai ram ruaitu rizâtkahei khan an zui a.

³³An inungah khan Bekul itum pumin hi thiampuhei, Azaria, Ezra, Mesulama, Juda, Benjamina, Semaia, Jeremia hei hi an lôn a. Anni nungah khan Semaia nai Jonathana naipa Zakaria kha a lôn a. (Ani hi a puhei chu Asafa richi Matania, Mikaia, Zakura hei an nit.)

³⁶Ani khah a suapuihei Semaia, Azarela, Milalaia, Gilalaia, Maaia, Nathanela, Juda neh Hanania hei khan an zui a. Anni hi Pathian mi rêng Davida itum ngai irîhoi angkana irîhoi mangrua an chôi chit a. Hi pôl khatkah hi Lekhaziaktu Ezra khan a îrui a nit.

³⁷Tuisunsua Kotbâi an tlungin chu Davida khopui fena kalbiah khan an fe a, Davida rêng-in an pâl a; khanchu, khopui nisua tiang panga Tuikuang Kotbâia kulpuiah khan an zuang rikual nôk a.

³⁸Khante, pôl dang, lôm lâ sakhei kha kulbang chung richam voitiang pangah khan an fe a. Mipui ribûm rizâtkahei neh khan kin zui a. Meipui sêmna In risâng ipâlin kulbang isa dênin kin fe a.

³⁹Khantaka ta khah Efraim Kotbâi[3] hei, Jesana Kotbâi hei, Inga Kotbâi hei, Hananela In risâng hei, Hamea In risâng hei ipâlin Bera Kotbâi idênin kin fe a. Khante, Tempil kotbâi kôlah khan kin ringam tâk a.

⁴⁰Khanchu, Pathian zianga lômthu sîrpuma rizôp pôl inikahei chu Tempil tualzôl kha an tlung tâk a. Keimah neh ruaituhei banah khan

⁴¹hi mihei hih ki lôma fehei chu an nit: thiampu lôm bekul itumtuhei chu Eliakima, Maaseia, Miniamina, Mikaia, Elioenaia, Zakaria, Hanania.

⁴²An inung zela hong zuihei chu: Maaseia, Semaia, Eleazara, Uzia, Jehohanana, Malkija, Elama neh Ezera hei an nit. Khante, Lâ saktuhei khan an ruaitu Jezrahia lômin iring takkan lâ an sak a.

⁴³Kha nikhuaah khan ribôlna thil itam takkah kin lan a, Pathianin a nen lôm a, mipuihei chu an ilôm tak tak a nit. Khante, nupanghei neh naipanghei ten khomin an lôm tak tak a; an lômna rihu chu ilah taka rithok khomin ireh thei a nit.

⁴⁴Khante, kha nî-ah khan Tempil rang tholôm hei, bu thar neh thei min masa takhei, sômka khatka hei siana chontan enkoltu ranghei kin phun a. Anni hi Dânin ân kung lam a, thiampuhei neh Levia chihei dongtum rang khotina loi neh rikula vâng ibûmtu rang khom an nit. Juda mipuihei chu sinthotu thiampuhei neh Levia chihei chungah khan an ilôm tak tak a nit.

⁴⁵Rithâr rithiang dân neh itho rang dang murdi Pathian thupêk angkah takin an tho ngai sikin an chungah khan an ilôm a nit. Tempil zâipôl neh Tempil vêngtuhei khomin rêng Davida neh a naipa Solomona dân siam pêk lam angkah takin thil tinrêng an itho ngai a nit.

⁴⁶Tianlâia rêng Davida neh irîhoi tum ithiam Asafa hun lâia rithokah khan thil tum ithiam mihei hin Tempila lômthu sîrna neh inpâkna lâ sakhei hi an îruai ngai a nit.

⁴⁷Zerubabela neh Nehemia huna rithokin Israel mi murdîn Tempila lâ sak ngaituhei neh kotbâi vêngtuhei khop tôk rang dongtum nîn tin tholôm kha an pêk ngai a, Levia chihei dongtum rang khom thillan rithiang an pêk a; khante, Levia chihei khan thiampuhei dongtum rang kha an înran pêk nôk ngai a nit.