Read Biete ESTHERI 5 Bible Online

ESTHERI 5 - Biete bible

ESTHERI 5

¹Khante, sûn thumkah bu a ngei tenan chu Estheri khan a rêng silbomin arvo a, rêng roirêlna in ridîn tual, rêngṭhungmun omna kotah khan a va ding a. Rêng khah kotbâi ingatin a rêngṭhungmunah khan â ṭhung a.

²Rêng khan tuala rêngnu Estheri ding khah a mun chu a lung ân kham a; rêng khan a rângkachak rêng irol chôi khah Estheri tiang a hang ilek a. Khanchu, Estheri khan a va nâi a, rêng irol môr khah a hang tôn a.

³Khante, rêng khan a ziangah, “Rêngnu Esther, im ai nit tâk? Im nî ngên nuam? Ki ram rizâtka ten khom nang pêng ki ti,” a ti a.

⁴Estheri khan, “Rêng ṭhat ti lam a nitin chu vuanzânah hin Hamana neh nin ruaikan ki ruai inrifûk ne hong rikhîlpui rei,” a ti a.

⁵Khante, rêng khan Estheri fial lam angkana an tho theina rangin Hamana khah ihong zel rangin thu a pêk a. Khanchu, rêng neh Hamana kha Estheri ruai inrifûk ifah rangin an fe tâk a.

⁶Khante, uain an in lâiin, rêngin Estheri ziangah, “Im nî ngên nuam ne ril roh, ki ram rizâtkah khom ni sela, nang pêng ki ti,” a ti a.

⁷Estheri khan, “Rêng mit itlung ki nit a, ki thil ngên neh ki nînahei, rêngin ne pe ṭhat ai ti a nitin chu, rêng ta ranga naktûka ruai ki inrifûk nôkah hin rêng neh Hamana chu hong rikhîl ngêt riseh. Kha tikin ki ngênna khom rêng kha la ril ta rong,” itin a sâm a.

⁹Hamana kha ruaiṭhena ata khah ifân tak neh ilôm takkan a suak a. Nikhomsela, rêng in rikul kotbâia Mordekaia lei izâl, marit inlangna khoma lei ngir nuam ino a hang mun chu Mordekaia chungah khan Hamana khah a ning â mur tak tak a.

¹⁰Khannisela, Hamana khan an sûm râm râm a, a inah a fe tâk a. Khanungchu, a inah khan a malhei a fial a, a nupui Zeresi khom hong iṭang sa rangin a ti a.

¹¹Khanchu, Hamana khan archong ziahei, nai a nei tam ziahei, rêngin a dingmun risâng taka a kâiinrisâng dânhei, rêng mi lian murdihei chunga mi poimo tak a nit ziahei ripâk takkan â sîr a.

¹²Kha bang khah ni loiin, “Rêngnu Estheri khan, a ruaiṭheah khan keima banah chu tute rêng ziangah inṭang mak a; naktûkah hin rêng neh a ne ifial a nit.

¹³Nikhomsela, Juda mi Mordekaia rêng rikul kotbâia ṭhung ki mu sung kangân chu hi thilhei murdi hih ki ta rangin chanlamboi korong a nit,” a ti a.

¹⁴Khanchu, a nupui Zeresi neh a malhei murdi khan a ziangah, “Mûk sômringaka risângin khâithatna siam inla, Mordekaia chu ikhâi that rangin naktûkah rêng iril inla; khanungchu, ruaiṭhenaah khan rêng ziangah râiifân takkan fe roh,” an ti a. Kha thu khah Hamana khan ṭha a ti a; khanchu, khâithatna khah ân siam tâk a.