Read Biete FESUAKNA 1 Bible Online

FESUAKNA 1 - Biete bible

FESUAKNA 1

¹Jakoba neh a naihei ama lôma, mi tin an insungkua chit a, Aigupta rama lûthei riming chu hihei hih an nit:

²Reubena, Simeona, Levia neh Juda;

³Isakara, Zebuluna neh Benjamina,

⁴Dana neh Naftalia, Gada neh Asera.

⁵Jakoba ṭhâlbea inzir a lukipin mi sômsarikah[1] an nit; Josefa chu Aigupta a lei iom pial tâk a nit.

⁶Josefa neh a urênghei murdi chu an thi a, an hun lâia mihei khom an thi riai tâk a.

⁷Israel naihei kha an hong pung a, ritha an hong nei tîr tîr a, ram pumpui an sip riai tâk a.

⁸Aigupta ramah khan Josefa reh tlak ino rêng ithar a hong inlal tâk a.

⁹Khanchu, a mihei ziangah, “En ta u, Israela richihei hih eimani nêkan an hong itamin, an hong irât ual rang a nit hih.

¹⁰Ridoina om duai sela chu ei irâlhei tiang thlop an ta, ne doi an ta, hi ram ata hih an irot[2] rang kêng, tho rei, ivâr takkan an hong pung mai nona rang lampui lei ngaitua rei u,” a ti a.

¹¹Khanchu, puak pêl irik takheia anmani dengintheia sin inthotu rang mi an phun tâk a. Faroa neinun bukna mun rangin Pithom neh Rameses khuahei an siam a.

¹²Nikhomsela, anni kha dengintheia an om dôrah an hong pung rât ualin, an hong indar ual ual a. Khanchu, Aigupta mihei ranga khan Israelhei khah iṭiom an hong kâi tâk a;

¹³Aigupta mihei khan lungkhamna boiin sin an intho tak tak tâk a;

¹⁴rolunghei an insiam a, an inhâl a; loiah sin an intho a, sin tinrênghei isôl tak takkan an intho a.

¹⁵Aigupta rêng khan Hebrai mi nai innei ngaihei Sifraii neh Puaii ziangah khan,

¹⁶“Hebrai nuhei nai nin inneiin nai ipa a nitin chu that unla, nai nupang a nitin chu a ringna zua rei,” a ti a.

¹⁷Nikhomsela, mi nai innei ngaihei khah Pathian ṭina nei mi an nit a, Aigupta rêng thupêk angkan tho nuam mak a; nai ipahei ringna khom an zua sa mai tâk a.

¹⁸Khanchu, Aigupta rêng khan mi nai innei ngaihei khah a koi a, an ziangah khan, “Îtho sik im hingkana thil nin itho? Îtho rang sika nai ipahei ringna nin izuam?” itin ardon a.

¹⁹Khante, mi nai innei ngaihei khan Faroa ziangah, “Hebrai nupanghei hi Aigupta nupanghei angkan an nit no sika a nit, annihei chu mi risêl an nit a, kin tlung man an lei inei zoi tâk ngai a nit,” an ti a.

²⁰Pathian an ṭi sikin mi nai innei ngaihei chungah khan Pathian a ṭhat a, an insungkuahei an hong pung tâk a. Khante, Israelhei khah an pung râtin, an hong tam ok tâk a.

²²A nungkhôn takah chu Faroa khan a mihei murdi thu a pêk a, “Nai ipa â suak kangân chu Nail vadungah pai pêk unla, nai nupang chu zua rei,” a ti a.