Read Biete JOBA 10 Bible Online

JOBA 10 - Biete bible

JOBA 10

¹Iring nuam khâi mang. Ki irphun ki irphun rang a nit. Lungril inah tak pumin thu ki îsîr rang a nit.

²Pathian, thiamno nen chang non la, Ki chunga ne lunghoinona chu ne ril roh.

³Nangma kutsuak ngêi imusita, intuang hi ai ṭhat mani? Mi siahei roisak ihampui hi ṭha nî tîm ai nit?

⁴Miriam en dân angkan im, thilhei hih nî en sa ai nit?

⁵Miriam damsung sûn neh kumhei angkah dôra tôi im, ni ringnun hih ai nit?

⁶A nit non teh, ithôm ki siatnahei murdi ni sui a, Thonchâi kî nei murdi ni îmai nek hi?

⁷Mi sual ni mang iti ni riat a. Ni kut ata ne san thei tute omak iti khom ni riat.

⁸Ni kutin ni nen ding a, nangma isiam ngêi ki nit, Nangmah ngirin ni ne înrimang nôk rang mani?

⁹Nangmah ngêiin ipilin ni ne isiam a nit remai inla, Ipil ni ne închang nôk rang im ai nit?

¹⁰Ken zirna rangin ki pa khah ritha ni pêk a, Ki nu sûlah khan ni nen thuar a.

¹¹Vun neh taksan ni ne tuam a, Ru neh tharuiin ni ne khuap itêl a.

¹²Ringna ni ne pêk a, ni ne duam tak tak a, Ni ne enkol a, ni ne idonsui mai a nit.

¹³Khannisela, atûn chu khaten zoro sungah khan hi thil hih; Ni lei itum zâi pial a nit iti ki riat suak tâk.

¹⁴Thil ki thonsual im iti ni ner dîp ṭian a, Nangman thiamno nen chang rang pialin.

¹⁵Mi sia nin lang ki chung ân khôk rang tlia na! Mi dik khom nin lang, ripâk thei ual no ning. Mualinphoi takkan ki om a, Kî tuang tlut tlut a nit hih.

¹⁶Thluantlungna nei duai man inlang, Nangman sakeibaknei sa riput angkan ni ner put a; Ki tuangna rangin thil rikhêl tak takhei ni tho a.

¹⁷Ne doiin ki chungah riatpuitu ni hong inding mai a, Ki chunga ni ningthik a thuar tîr tîr a, Ne doi rang dân lam ithar ni zong mai a.

¹⁸O Pathian, îtho sik im sûl ata ni ne ilâk suak? Tute mu loiah lei thi tan lang â ṭha rang pial.

¹⁹Zuang inzir tlak non lang, A nitnole sûla rithokin ithlân pan zel inlang â ṭha ual rang pial.

²⁰Ki damsung sûnhei hih â hek lôk lôk tâk ni mak im a? Ki khâtin ne mah roh, sûn ki lai nei viat te luah hin la hang ringam viat rong.

²¹Kîr nôk khâi nona ram izîng, Zîng inthim khap ramah ki fe maah hin.

²²Zîng richel chit ram, beidongna zân thim lungzîngna mun, Ivâr khom izîng a changna ramah khan.