Read Biete JOBA 17 Bible Online

JOBA 17 - Biete bible

JOBA 17

¹Ki ringnun mongna a nâi teng tâk, rithuak thei khâi mang; Ithlân ti no chu mabâk nei khâi mang e.

²Inel taka ne en murdihei chu ki thlîr ṭian a.

³O Pathian, mi iamom ki nit a, ki ṭongbâi lei iham roh. Nangmah ti no chu tute ki ṭong ne thlop rang om khâi mak.

⁴Nangman an lungril nen cho pêk tâk a; Khasikin, atûnah hin ki chungah an risong rang phal no roh.

⁵Tianlâi thuvârah mîn sum sikin a malpa ân man a, Kha sikah khan a naihein an ituang a nit.

⁶Atûnah hin mihein ne doinan hi thuvâr hih an mang a; Anni chu ihongin ki mâiah an hong ichil a.

⁷Ker ngaisiatna sikin ki mit khom a zîng zoi tâk a; Ki kut neh ke khom rukhorong bang a nit tâk.

⁸Mi dika ribehei khah an ilâi rak a, Pathian ngaisak ino an ne închang a nit.

⁹Mi marit ioma ribehei khan an ringai dân khah, Â dikin an riat ual ual a.

¹⁰Khan an rêngkan ihongin ki matonah iding sela, Khatkah te lua mi vâr an lâiah mu no ning.

¹¹Ki zorohei a vun a; ki roisakhei lo a sam a; Ki sabeina a boi zoi tâk.

¹²Khan ki malhei lakin zân chu sûn ivâr a nit an ti a; Izîng chu ivâr maruaitu a nit an ti a, Keiman chu izîngah ki om mai iti kî riat a nit.

¹³Ki tûngna omsun chu mithi khua bang a nit tâk, Izîng nuaia zâla ki inna rang mun chu.

¹⁴Ithlân chu ki pa tîng ki ta, Ki taksa rilunghei chu ki nu neh farnuhei tîng ki ti.

¹⁵Ki rang itûng rua takâm a lai om? Itûng rang dang a la mu an iom mani?

¹⁶Mithi khuaah ki zu fe tikin chu, Tûngna chu ki ziangah fe sa no nih.