Read Biete JOBA 18 Bible Online

JOBA 18 - Biete bible

JOBA 18

¹Khanchu, Bildada, Sahi mi khan hingka hin â sîr a: Joba, nangma angkana mi hih ai dâirek thei tlak ino mani? Ringai rangin dâirek inla, nang risônpui thei kin ti.

³Îtho ngân im ramsa angkah dôra ni ne ibe? Mi inmôl îte riano angkana ni ne ibe hi?

⁴Ni ningthik sikin mahni bang kêng dengthein nang ai siam, Ni ningthik sikah khan rinêng hih imarakin ai om rang mani? Ne lung intlukna rangin Pathianin mualhei hih ai thîn rang mani?

⁵A nit, mi sual mei khah ithat pêk nîng a ta, Tik lâiah khom chok nôk khâi no nih.

⁶A puan ina vâr khah inzîng nîng a ta, A meiser khom ithat nîng a ti.

⁷A kal lei idet ngai khah atûn chu â ba tâk a; A roisak nâk nâk kha a siatpui tâk.

⁸Lên sungah a lôn lût a, Chângah khan â ôk tâk a.

⁹Thîrchângin a ke ringah a ep khap tâk a, A rui khan ai thlung khap a nit.

¹⁰A tlâkna rang dîp an choih a, A lampuiah châng an ikam a nit.

¹¹Arkhîlkan rilônthingnân a ngâk a; A kalchôina kipah a zui ngai.

¹²A lei richong ngai a, khan atûn chu iṭâmin arzal tâk a; Vânduaina rikhêl khan ai hual khap a nit.

¹³Natna inrît takin a tuam a, A kut neh a kehei an zor zôi tâk.

¹⁴A zôkna puan in ata isapsua paiin a om a, Thina Rêng itong rangin ikâinâl a nit tâk.

¹⁵A puan inah mi dang om an ta, Â thârnan kât rithêng an ti.

¹⁶Arzunghei chu nuaitiang mon a ta, Â ṭanghei khom châr vang a ti.

¹⁷Arming inthangna khah inah neh ram dangah a boi tâk a; Rinêng chungah tutên ani khah remai khâi no nih.

¹⁸Ani chu ivâra rithokin izîngah an pai iṭhul a, Rinêng chung ata an pai suak tâk.

¹⁹A mihei lâiah tunete nei no ni a, A omna in ilua rang khom nei no nih.

²⁰A dingmun khah nithlâk tianga mihei khan ân rît tîng an ta, Nisua tianga mihei khomin iṭiom tîng an ti.

²¹A nit, amakhah mi sualhei dongtum rang chu a nit a, Khangkah khah a nit, Pathian ria nohei om rang dân chu a nit.