Read Biete JOBA 22 Bible Online

JOBA 22 - Biete bible

JOBA 22

¹Khanchu, Elifaza, Teman mi khan hingka hin a sâm a: Miriam hin Pathian rang mangmun a nei im a? Mi vâr tak khom rifena neipui a tîm a?

³Ni sintho dik khan Pathian rifena a pêk im? Sêlna boia ni ring sikah khan rifena im ai nei?

⁴Pathian ni ṭi sika kuttum itho ni mak che a, Roirêlnaah nang ai ṭhui khom ni mak.

⁵Ni sualna a natinsat sika kêng ai nit, Ni sualna khan mongna ai nei ino a nit.

⁶A sum ritâng sikin nen zirpuipa ziangah siakham ni lâk a, A silbom ilîp pêk vangin korongboin nen om a.

⁷Â sôlhei khah tui ilua peh nuam mak che a, Vonṭâm ituanghei rang ifâk ne nar a.

⁸Ni thuneina mangin mi ram ni lâk pêk a, Ni mi ditsakhei ni pêk a

⁹Numeihei khah kut korongin nen fe a, Naifarahei khom ni sirde a.

¹⁰Khasikah khan kêng atûnah hin ni vêlkan chângin nang a hual a, Voikah zelin siatna neh ṭinan nang ai hual tâk a nit.

¹¹Izîng archel khap sikin îte mu thei khâi mak che a, Tui ilian khan nang a irkhû tâk a nit hih.

¹²Pathian chu rivân mun risângheiah khin ai om ino mani? Ârsihei khi risâng ok khom seh, a thuai tiang a zuk en a,

¹³“Im Pathianin a zuk riat ranga? Sûmin arli khap a, ingkan im a ne rêl thei ranga?

¹⁴A ne mu thei nona rangin sûm isa takin arkhû a, Vânlâizôlah a lêng vêl a,” ni ti a.

¹⁵Mi sualhei irô ngai lampui rilun khah, Irô mai nî tum ngit mani?

¹⁶An zoro a hong tlung ma viaiin ithon pai an nit a, An ringatna khom tui ilian ifen paiin a om tâk.

¹⁷Anni khan Pathian ziangah, “Ne mah roh, Tinrêngthotheiah khan im a ne lo thei rang?” an ti a.

¹⁸Khaten khomin vângsak inṭumin Pathianin a siam a, Khasikin, mi sualhei lunginṭong khah kî riatthiam thei ino a nit hih.

¹⁹Mi sualhei kuttum intuanga an om an mun chu, Mi ṭhahei chu an râi a fân a, Mi ningsiat sin inohei khomin an nuiso ngai.

²⁰Mi sualhei thil nei murdi a siat vang tâk a, An lai nei isunte khom khah meiin a kâng inrivâm tâk.

²¹Atûnah hin Joba, Pathian neh ringeina siam roh, Irâl angkan be khâi no roh, Khanchu, ṭhat nang vur a ti.

²²A ṭongbâi suak inriseina khah ipom inla, A thuhei khah ni lungrilah vong ngit roh.

²³Tinrêngthotheia maah ringaiintlômin ni kîr a, Ni insung ata thil ṭhano murdi ni khâi paiin chu, Vângsak inṭumin nang siam nôk a ti.

²⁴Ni rângkachak khah ipil angkan ni be a, Ni rângkachak iṭha chi khom, Vatedung lungtlin angkan ner ngaiin chu,

²⁵Tinrêngthotheitu Pathian khah ni rângkachak neh tangkarua lûm, Ni ta ranga lutak chu nîng a ti.

²⁶Khanchu, Tinrêngthothei Pathian khah iam mai tâng ni ta, Ani chu ni lômna bul tak ni tâng a ti.

²⁷A ziangah ṭongṭai ni ta, aman nang lei ringai pêk a ta, Khanchu, ni ṭonginkunghei ilôm takkan len ni ti.

²⁸Ni thil ngaitua murdi chu thluantlung a ta, Ni lampui khom invâr a ti.

²⁹Pathianin lârripâk mihei a kâi isim a, Ringaiichînhei ân zôk ngai.

³⁰Mi ningsiat sin ino khah san isuang a ti, Ni kut arthiangin chu nang khom nang san isuang a ti.