Read Biete JOBA 23 Bible Online

JOBA 23 - Biete bible

JOBA 23

¹Khanchu, Joba khan a sâm a: Ki lungzîngna vuani dênin sûn tin a lai natinsat tîr tîr a nit. Ke rungna hin ki tuangzia khom isîr zoi mak.

³O, amah ki mu theina rang lam rian lang chu, A omna munah khan kî fe rang pial.

⁴Ki chungthu a makungah ithlun ki ta, Ki dingmun murdi hih isîr riai ki ti.

⁵A ne sâm rang dân â ria kî nuam a nit, Â sîr rang khah kî riat nuam a nit.

⁶A sinthotheina tin Pathianin ne doinan ai mang rang mani? Mang no nih, ki tiang â kuar sung a ti.

⁷Mi dik ki nit a, Pathian maah ki thu ithlun ki ta, Thiam ichangin suak thal tâng ki ti.

⁸Nisua tiang ki zong a, Pathian chu khan omak a; Nithlâk tiang ki zonga khan ani chu mu mang a.

⁹Pathian chu sim tiang neh mâr tiang sin a tho lâiin, Ani chu mu thei ual mang a.

¹⁰Nikhomseh, ki lampui rô chu a riat a; A ne fia zoi tenan chu rângkachak angkan suak ki ti.

¹¹Ki kehei hin a kenung chu iamom takkan a zui a, Voitiang manih changtiang manih pêt tlak ngai mang.

¹²Pathian thupêkhei bang ki sin ngai a; Keima rizukna zui loiin, a nuamlam ki zui a.

¹³Amah chu danglam tlak ngai mak a, tûm â doi thei rang? A lungdo isin rang ai tum khah tûm â dan thei rang a?

¹⁴Ki ta ranga a thil inrifûk khah lo intluk a ta, Kha a thil inrifûk khah itam takka ai neihei lâia khatkah a nit.

¹⁵Khasikin, a makungah iṭin ken thing a, Ki ngaitua zoron ker lo ân thing ual ngai.

¹⁶Tinrêngthothei Pathian khan ke hâina ân boi vang a, Izîng ni mak e, iṭia ne siamtu khah, Pathian kêng ai nit, rilônthinga ne siamtu chu.