Read Biete JOBA 26 Bible Online

JOBA 26 - Biete bible

JOBA 26

¹Khanchu, Joba khan a sâm a: Keimah miriam inriang, rizal rizual mi hih, Ingkana ki ta ranga ṭangpuitu ṭha nî init rai tâk im na!

³Thu ṭha tak tak ni ne ril a, Keima angkana mi intlo hih ni riatna ni ne tlângpui a.

⁴Ni ṭonghei khah tunim ringai riai seh ni înrihoi? Hingka taka ṭonghei iril rangin tu rithla nang ipôl mani?

⁵Mi thihei rithla chu rinêng nuai, Tui sungheiah an inthing a.

⁶Mithi khua kha Pathianin a mu riai a, Siatna mun khan arlîtu nei mak e.

⁷Pathianin mâr tiang rivân khah a phar a, Takboiah rinêng chu â khâi inrilâng vang a.

⁸Sûm isa tak ruatui inpomtu chu Pathian a nit a, A tui ipom rik rai sikin sûmhei kha puakkoi ual mak.

⁹Thla lîrlâi khah sûmin arkhû khap a, A vêlkan a zîng khap a.

¹⁰Izîng neh ivâr ṭîn rangin, Tuikhanglian chungah kôlkil a siam a.

¹¹Rivân idoitu chopuihei khah â nîng dur dur a, A ngona khah inrît an ti a.

¹²A sinthotheinan tuikhanglian a thunun a, Ithiam takkan sarâng inrît Rahab khah archan nôi a.

¹³Arthuakin rivân ân rithiang a, A kutin rûlpui lâizâm itho a that a.

¹⁴Khan hihei hih a sinthotheina riatthei ten chu a nit a, Ṭong ivuang irî ei iriat sunhei chu; Pathian chu ingka taka roinpui im ai nit tûm â reh thei rang?