Read Biete JOBA 3 Bible Online

JOBA 3 - Biete bible

JOBA 3

¹Khanungah khan Joba khah a hong ṭong suak a, a zuang suak nî sûn khah vâni a sâm a.

²O Pathian, ki zuang suak nî kha vânisalin om riseh. Naipaa ki zuang inzir nî zân neh khan.

⁴O Pathian, kha nî sûn khah zîng inthim chang sela, Kha nî sûn khah remai khâi non la, Ivâr khom a chungah vâr no riseh.

⁵Beidongna neh zîng richelchit nî sûn chang sela, Sûmpuiin rikhû mai sela, Sûn inzîngtu khan thlavâi sak riseh.

⁶Kha zân khah zîng richelchitin tuam ngit sela, Kha kuma sûnhei lâiah ṭang sa no riseh, Thla tepnaah khom ṭang sa no riseh.

⁷Kha zân khah zân beidong hong ni sela, Râifân khêk irî zel om no riseh.

⁸Vâni sâm ithiamhei khan kha nî khah vânisâm sela, Leviathan[1] isôi thiamhei ngêi khan.

⁹Zîng ârsihei hong inthim sela, Kha zân khan zîng khovâr mu no riseh.

¹⁰Kha zân khan ki nu sûl kotbâi a lei khâr no sikin neh, Buaina neh ngaisiatnaah a ne phoi sikin.

¹¹Ithôm ki nu sûlah khan ki lei thi no? Ithôm ki zuang suak kaneh khan ker thuak a mong zel no o?

¹²Îtho rang im ki nu khan a malpui chungah a ne ipom a? Îtho rang im rinu a ne înnêk tâk?

¹³Ki lei ithi ni sela chu ki irngam ṭian rang tâk pial.

¹⁴Rinêng rênghei neh roirêltuhei, Mahni ta ranga rêng in siam indingtuhei angkan zâl ṭian tâng ki ta.

¹⁵Rângkachak neh tangkaruaa an in isip rêng naipahei angkan zâl tâng ki ti.

¹⁶Îtho sik im â thi saia suak naite angkan phûm inrimang ki lei nit no, Naisen, ivâr mu khâi ino angkah hin?

¹⁷Thlân khurah khan chu mi sualhein inbuai khâi ngai mak a, Sin sôlhei khom ringamna an imu ngai a nit.

¹⁸Mi tânghei ilua khom sôl idamin an om a, Râi irî neh thupêk ikhirhei khah reh khâi ngai mak.

¹⁹Amakhan milian neh mi chîn an ri-ang dîl tâk ngai a, Suakhei khom zalenin an om ngai.

²⁰Îtho sik im dengthei ituanghein dengthei an tuang mai a, Mi beidonghei khah ivâr ipeh mai an init?

²¹Ithi nuam tak tak khan thi thei iloi a, Richon nêk khoma thlân khur rithlang ualhei kha,

²²Thi seh râifâna lôm tak tak ranghei kha;

²³Pathianin an sûn maton kha rithupin a sia a, Kil tinah a îdan rikul khap a nit.

²⁴Fâk ki zong lakin thuakdongin a ne de a, Ke rung irî chu tui iluang irî angkah hi a nit.

²⁵Thil kî ṭi tak khah ki chungah a hong tlung a, Inrît kî ti ngai tak khan a ne del tâk.

²⁶Ker thla ringam mak a, sôl ringamin om thei mang, Ki buaina lak mongnî nei mak a.