Read Biete LAPUI 101 Bible Online

LAPUI 101 - Biete bible

LAPUI 101

¹Davida inpâkna lâ Iamomna neh roirêl dikna thu chu lan sak ki ta; O PUMAPA, nangma inpâkin zâi ki ti.

²Lampui iṭha rikipah khan ivâr takkan om ki ta, O tikin im ki ziangah ni zuang rang? Ki in sungah lungril iṭha rikip riputin om ki ti.

³Thil ṭhano rêng rêng ki mitmuah khan seh no ning a, Fen sualhei sintho chu kî nel a nit; Keimaah kop tlak no nih.

⁴Lungril ikôihei khan ne mah riai an ta; Siatna rêng rêng tho no ning e.

⁵A bungtualbôm inrûkka rêl ngai murdi chu heng riai ki ta; Lungril ripâk neh risong mi rêng rêng chu ringai thei no ning e.

⁶Hi ram sunga Pathian chunga iamomhei chu ditsak ki ta, Anni chu ki rêng inah ki zianga om phal ki ti. Lam iṭha rikipa lônhei khan ki sin thông an ti.

⁷Milakbûrhei chu ki in sungah an om phal no ning a; Vârrilet mi khom ki mitmuah an om phal no ning e.

⁸Nîn tin hi rama mi siahei murdi hi inrimang ki ta, PUMAPA khopui ata hi mi siahei murdi ûmisua vang ki ti.