Read Biete LAPUI 108 Bible Online

LAPUI 108 - Biete bible

LAPUI 108

¹Davida inpâkna lâ (Lapui 57:7-11; 60:5-12) O PUMAPA, ki lungril takin nang kî iam a nit. Lâ sak ki ta, a nit, inpâkna lâ sak ki ti. O ki ringna, har roh.

²O ki perkhuang neh seranda hei, har rei, Kôlrisam hi la hang iuai invâr rong.

³O PUMAPA, nam tin lâiah lômthu nang ril ki ta, Mi tin lâiah nangma inpâkin zâi ki ti.

⁴Ni lungkhamlianna chu rivânhei a khûm a, Ni iamomna khan rivân khi a sun a.

⁵O Pathian, rivân ikhûm dapkan chôiinrisângin om inla, Ni roinpuina chu rammual pumpui chungah hin om riseh.

⁶Ni lungthlunghei saninzôka an om theina rangin, Ni râtnan inzôk inla, kin ngênna ner ngai pêk roh.

⁷A mun rithianga rithokin Pathianin thu â sîr a, “Zoinan Sekem khua chu ṭhen indar ki ta; Sokot Phâi chu ki mihei ziangah sem indar ki ti.

⁸Gilead ram chu ki ta a nit a, Manase ram khom ki ta a nit; Efraim ram chu ki lu hoina rang lukhum a nit a, Judai ram chu ki rêng irol a nit.

⁹Nikhomseh, Moab ram chu ki tui risil bêlin mang ki ta, Edom ramah khan ki pheikok pai ki ta; Filistia ram chungah khan nêna khêk irî inṭhông ki ti” a ti a.

¹⁰O Pathian, khopui rikul ineiah khan tûm ne ṭhui inlût rang? Edom ramah khan tûm ne ṭhui rang?

¹¹O Pathian, nangman ni ne îthla titak tâk mani? O Pathian, ki sipaihei ziangah lak ṭang khâi mak che a.

¹²Irâlhei idoi rangin ne ṭangpui roh; Miriam ṭangpuina chu chanlamboi a nit.

¹³Pathian zârin ihâi takkan doi ei ti; Ani chu ne doituhei â sirdetu rang a nit.