Read Biete LAPUI 11 Bible Online

LAPUI 11 - Biete bible

LAPUI 11

¹Davida Inpâkna Lâ PUMAPAA khan zôkna rangin ki iamna ker ngat ngai a. Ingkan sika ki ziangah “Iva angkan itlângheiah vuang pai roh.

²Mi ṭhahei kha izîng nuaia kâp that rangin mi pualoihei khan, An phel an kam a, an thalin an itin ṭian kêng.

³Thil tinrêng siat rimang chit nungin Mi fel khan îte tho thei no nih,” nin iti mani?

⁴PUMAPA chu a Biak In rithiangah a om a; A rêngṭhungmun khom rivânah a om. Takmun khomah miriam naihei hi a mitin a en mai a, An sinthohei a mu riai ngai.

⁵Mi ṭhahei neh mi siahei ri-angnat kan a fia a; Mi siahei chu a lungril murdin a khôkmâk ngai.

⁶Mi siahei chungah mei neh kât ân sûr pêk a; Ithli lumhein anni chu deng ân thei ngai.

⁷PUMAPA chu a fel a, sin iṭha arngai innat ngai a; Mi dik takhei khan a mêl la mûng an ti.