Read Biete LAPUI 110 Bible Online

LAPUI 110 - Biete bible

LAPUI 110

¹Davida Inpâkna lâ PUMAPA khan ki rêngpa ziangah, “Ne râlhei ni ke nuaiah ki sia mâkah chu ke changtiang iṭhung roh” a ti a.

²PUMAPA khan ni râtna rol chu Ziona rithokin a tir suak a: “Nangman ne râlhei chungah roirêl roh,” itin.

³Ne râlhei ni doi nî sûnin chu, Ni mihei kha mahni nuam thun hong ripêng an ta; Zîng rido angkan ni vânglâihei chu, Ne tlâng rithiangah khan ni ziangah hong an ti.

⁴PUMAPA khan ṭong ân kung a, A lungril thleng danglam tlak no nih; “Nang chu Melkisedeka thiampu nitna ata zuang isuiin, Kumtluang thiampu[59] nîng ni ti,” itin.

⁵PUMAPA chu ne changtiang a om a; A ningthik tikin chu rênghei murdi intlôm a ti.

⁶Nam tinrêng chungah roirêl a ta, Risual bualhei chu ruakin sip a ta; Ram tina rênghei chu inê riai a ti.

⁷Rêng khan lam lâia tuihei chu in a ta, Ritha thar nei a ta, nêna changin iding a ti.