Read Biete LAPUI 111 Bible Online

LAPUI 111 - Biete bible

LAPUI 111

¹PUMAPA chu inpâk rei. Mi dik takhei inkhômnaah khan, Ki lungril murdin PUMAPA ziangah lômthu ril ki ti.

²PUMAPA sinthohei chu a roinpui vang na! Ama chunga lômhei khan â ria an nuam ngai.

³A sintho chu marit a omin, a roinpui a; A felna chu kumtluanga om rang a nit.

⁴PUMAPA khan a sinrikhêl thohei chu ei ringil rang phal mak a; Ani chu mi lunginkham thei tak, khozânaa sip a nit.

⁵Ama ṭituhei chu ifah rang a pêk ngai a; A thuthlung chu tiklâi khomin ringil ngai mak.

⁶A sinthotheizia chu a mihei ziangah ân lang a, Nam danghei ram chu anmani a pêk a.

⁷A kut sinthohei chu iiam a omin â dik a; A thupêkhei chu iiam ai om a nit.

⁸Khahei khah kumkhuantluanga rangin a îndet a nit a; Thutak neh felnaa ai pêk a nit.

⁹Ani khan a mihei ziangah ritlanna a zuk tir a, A thuthlung chu kumkhuaka an zôm rangin ai pêk a nit. Arming chu arthiangin a roinpui a nit.

¹⁰PUMAPA ṭi chu vârna bul a nit a; A thupêk izômtuhei chu riatthiamna rifîm a pêk ngai. Amah chu kumkhuaka inpâk rang a nit.