Read Biete LAPUI 112 Bible Online

LAPUI 112 - Biete bible

LAPUI 112

¹PUMAPA chu inpâk rei, PUMAPA ṭi mi chu a ham a ṭhat, A thupêkheia iṭha taka lôm mi chu.

²Archihei chu rinêngah hin irât takkan om an ta; Mi dik takhei richi chu ṭhativurin om an ti.

³A inah khan richon neh sumpuan om a ta, A felna chu kumkhuakan om a ti.

⁴Mi dikhei rangin izîngah khan ivâr a hong suak ngai, Lungkhamna neh izâna nei, mi ṭhatakhei ta rangin chu.

⁵Mi lunginkhama ithung ipeh ngai mi chu a ham a ṭhat, Ifel takka ring ngai mi chu.

⁶Tiklâi khomin mi fel chu innîngin om no ni a; Kumkhuakan ireh maiin om a ti.

⁷Thurchi ṭha no takhei reh khom sela, ṭi no ni a; PUMAPA a iam a, a lungril chu ai det a nit.

⁸A lungril arngam a, ṭi no nih; Ama doituhei tlômna chu la mûng a ti.

⁹Â tlongin a sem a, inrianghei a pêk a, A felna chu kumkhuakan om a ta, Ani chu roinpui takka chôiinrisângin om a ti.

¹⁰Mi siahein amakhah mûng an ta, an ningthik a ta; An rikam ipet an ta, rimang an ti; Mi siahei tûngna chu rimang vang a ti.