Read Biete LAPUI 113 Bible Online

LAPUI 113 - Biete bible

LAPUI 113

¹PUMAPA chu inpâk rei. O PUMAPA bôihei, inpâk unla, PUMAPA riming chu chôiinrisâng rei.

²PUMAPA riming chu, Atûna rithokin kumkhuakan inpâkin om riseh.

³Inî suakna rithoka a tlâkna dênin, PUMAPA riming chu inpâk rang a nit.

⁴PUMAPA chu nam tinrênghei chungah khan ân chungtak a nit a; A roinpuina khan rivân khi ai khûm a nit.

⁵PUMAPA ei Pathian angkana hih tûm â om? Ani chu mun inchung takah â ṭhung a;

⁶Rinêng neh rivân ien rangin a zuk ikhûn a,

⁷Inrianghei chu vâivut ata khah a kâiithoi a; Fânrahei chu an risamna ata kha â dom inrisâng ngai.

⁸Mi lianhei ziangah khan ân ṭhung ngai a; A nit, a mihei lâia milianhei ziang ngêiah khan.

⁹Ani khan nupang ichinghei kha a chôiinrisânga; Nai neh te ipen râiifân takkan a siam ngai. Pumapa chu inpâk rei.