Read Biete LAPUI 115 Bible Online

LAPUI 115 - Biete bible

LAPUI 115

¹O PUMAPA, keini ni loiin, keimani ni loiin, Ner ming bang hi roinpuina peh roh, Ni lungkhamlianna neh ni iamomna sikah hin.

²Ithôm nam danghei khan, “Takâm an Pathian ai om tâk?” an ne iti.

³Kin Pathian chu rivânah a om a; Ai nuam murdi chu ai sin ngai a nit.

⁴An pathianhei chu tangkarua neh rângkachaka siam an nit a, Miriam kutsuak an nit.

⁵Bâi an nei a, khan ṭong thei mak a, Mit an nei a, khan mu thei mak e.

⁶Ikuar an nei a, khan reh thei mak a, Nâr an nei a, khan inam reh thei mak e.

⁷Kuthei an nei a, khan îte tôn thei mak a, Ke an nei a, khan lôn thei mak a; An rôl khom isua thei ual mak e.

⁸Mirmil isiamtuhei kha chu mirmil angkah khan om sela, Mirmil iiamtuhei khom khah mirmil angkah pai chang riseh.

⁹O Israelhei o, PUMAPA chu iam rei. Ani chu nangni ṭangpuitu neh nin ipho a nit.

¹⁰O Arona richihei o, PUMAPA chu iam rei. Ani chu nangni ṭangpuitu neh nin ipho a nit.

¹¹PUMAPA ṭituhei o, PUMAPA chu iam rei. Ani chu nangni ṭangpuitu neh nin ipho a nit.

¹²PUMAPA khan a ne riat maia, ṭhat ne vur a ti. Israela richihei chu ṭhatvur a ta, Arona richihei chu ṭhatvur a ti.

¹³PUMAPA ṭituhei chu â lian â chîn, An rêngkan ṭhatvur a ti.

¹⁴PUMAPA khan nangni inpung tîr tîr sela, Nangmani neh nin naihei chu.

¹⁵Rinêng neh rivân isiamtu PUMAPA khan, Ṭhat nangni vur riseh.

¹⁶Rivân khi PUMAPA rivân a nit a; Rinêng hi chu miriam naihei ta ranga ai pêk a nit.

¹⁷Mi thihei khan PUMAPA chu inpâk thei mak a, Mun inthim[60] taka fehei rêng rêngin inpâk thei mak.

¹⁸Eini, â ringhei hin chu PUMAPA inpâk ei ta, Atûna rithoka kumtluang idênin. PUMAPA chu inpâk rei.