Read Biete LAPUI 116 Bible Online

LAPUI 116 - Biete bible

LAPUI 116

¹Lungkham ki ngênna rôl a ner ngai pêk sikin, PUMAPA chu lung kî thlung a nit.

²Ke sam ikipah ki tiang â kuar a sung ngai a, Ki damsung kârkah amah chu koi mai ki ti.

³Thina ruirualhei khan a ne zêm a; Seol natnahei khan a ne man a; Lungzîng neh ngaisiat takin ki om tâk a.

⁴Khanchu, PUMAPA chu ke sam a; “O PUMAPA, ringai ihoi takkan ki ringna hi inzôk roh,” itin ki ngên a.

⁵PUMAPA chu mi lunginkham thei tak neh ifel tak a nit a; A nit, ei Pathian chu mi lunginkham thei tak a nit.

⁶PUMAPA khan mi fânrahei a donsui ngai a; Thina môrbôkah ki om lâiin ani khan a ne saninzôk tâk a.

⁷O ki ringna, thlangam takkan om nôk ta roh, PUMAPA kha ki chungah a ṭhat tak tak a.

⁸Ki ringna hi thina ata, ki mithei hi mitrithli ata, Ki kehei hi ibâna ata PUMAPA khan a saninzôk tâk a.

⁹Kha sikah khan iring ramah hin, PUMAPA makungah lêng ki ti.

¹⁰“Natinsat takkan denginthein ki om tâk,” ki ti lâi khomin, Ani chu ki iam ngit a.

¹¹Ke lung dong luatin, “Mi tute irin tlâk omak,” ki lei ti lâi khomah khan.

¹²Ki chunga a sintho ṭhat murdi sikah hin, PUMAPA chu im ki pêk rang tâk o?

¹³Saninringna kuri[61] lâng ki ta, PUMAPA riming rilam ki ti.

¹⁴Ki ṭonginkunghei chu PUMAPA ziangah len ki ta, A nit, a mihei murdi makungah khan.

¹⁵PUMAPA ringaia lu tak chu, A mi rithianghei thina hi a nit.

¹⁶O PUMAPA, ni bôi ki nit a; Ni bôi, ni suaknu naipa chu ki nit a; Ki khuaruihei chu nangman ni sût tâk a.

¹⁷Lômthu ril ribôlnahei chu lan ki ta, PUMAPA riming chu rilam ki ti.

¹⁸Ki ṭonginkunghei chu PUMAPA ziangah len ki ta, A nit, a mihei murdi makungah khan.

¹⁹PUMAPA Biak In tualzôl, Jerusalem inlâina takah len ki ti. PUMAPA chu inpâk rei.