Read Biete LAPUI 12 Bible Online

LAPUI 12 - Biete bible

LAPUI 12

¹Davida Inpâkna Lâ PUMAPA, ne ṭangpui roh, Pathian ngaisak mi zel om khâi mak a; Miriam naihei lâiah mi dik imu rang zel om khâi mak e.

²Mi tinrêng an rilêm risak a; Lêmna neh milak lungril riputin thu an isîr ngai a.

³O PUMAPA, lêmnahei chu inringam inla; Risongna bâihei chu hup roh.

⁴Anni khan, “Ei bâiin ei izongkah ei mu ngai a, Khasikin, ei inuam nuam tîng ei ti; Tûm ne khap thei rang?” an ti ngai.

⁵PUMAPA khan “Ṭangpui ringaihei isirdea an om sik neh, Nuamlo tuanghei irungna sikin zuang zel tâng ki ta; Ngâkmo taka an ithlîr ngai zôkna chu pêng ki ti,” a ti a.

⁶PUMAPA ṭonginkung chu iiam a om a; Tangkarua hâlinzôina meia voi sarika rithît infâi tâk angkah a nit.

⁷O PUMAPA, nangman ne hoi roh. Mi siahei chu kil tinah an rivâk vêl a, Miriam naihei lâiah sualna khah chôiinrisângin a om a; Nangman hi mihei lâi ata hih ne vêng inṭha roh.