Read Biete LAPUI 121 Bible Online

LAPUI 121 - Biete bible

LAPUI 121

¹Itlâng tianghei ki mit ken lêng a: Taktiang im ne ṭangpui rang a zuang itlung rang?

²Ne ṭangpuina rang chu PUMAPA, Rinêng neh rivân isiamtu zianga rithokin zuang tlung a ti.

³Ani khan ni ke riphêt rang phal no ni a, Nangma vêngtu chu inrimu bûk no nih.

⁴Ringai ta, Israelhei enkoltu chu, Inrimu bûkin in thlar no nih.

⁵PUMAPA chu nangma vênginzôktu a nit a; Ani chu ne changtianga nang rilitu a nit.

⁶Sûnah nîsân nang em no ni a, Zânah ithla khan nang em ual no nih.

⁷PUMAPA khan thil ṭhano tinrêng ata nang rung a ta; Ni ringna chu ihoi a ti.

⁸PUMAPA khan ni suak neh ni lût chu nang ihoi a ta, Atûna rithoka kumkhuakan.