Read Biete LAPUI 122 Bible Online

LAPUI 122 - Biete bible

LAPUI 122

¹Davida inpâkna lâ “PUMAPA inah fêng ei ti u,” Ki ziangah an ti lâiah khan ki lôm a.

²O Jerusalem, ni kul kotbâi sungah, Kin kehei chu â ding tâk a.

³Jerusalem, khopui ding inthar, Idet takka siam indingah khan.

⁴Amakhan PUMAPA riming inpâk rangin, Israel namhei ngei chu an fe a. A thupêk angkah taka PUMAPA ziangah, Lômthu sîr rangin an fe ngai.

⁵Amakhan roirêlna rêngṭhungmun inṭhung a nit, Davida richihei rêngṭhungmun ngêi chu.

⁶Jerusalem ta rang thlangamna ngên rei: “Nang inluhei chu vângsak riseh.

⁷Ni kul sungheiah khan ringeina om sela, Ni rêng inheiah khan hoina om riseh,” itin.

⁸Ki suapuihei neh ki rualhei sikin Jerusalem ziangah, “Ni in sungah khan ringeina om riseh,” kî ti a nit.

⁹PUMAPA kin Pathian sikin, Ni ṭhatna rang zong ki ti.