Read Biete LAPUI 129 Bible Online

LAPUI 129 - Biete bible

LAPUI 129

¹“Ki naipangte lâi ata mihein deng an nen thei a,” Israelhein ti riseh.

²“Ki naipangte lâi ata mihein deng an nen thei a, Nikhomsela, tutên ne nê mak a.

³Âl ikâituhei âlkâi rirîn angkan, Ke ruangah hin inthûk takkan an rîn iphop a.

⁴Nikhomsela, PUMAPA chu mi fel a nit; Mi siahei ruirualhei chu a tuk isat tâk,” Israelhein ti riseh.

⁵Zion ineltuhei murdi chu mualinphoi neh lâizâm ithon om riseh.

⁶A thuar maa rizual nôk ngai in chunga loisûl angkan om riseh.

⁷Tutên amakhah ât bûm no ni a; Tutên ritik rangin itêl no nih.

⁸Thleng rilôihei khomin, “PUMAPA ṭhatvurna nin chungah om riseh; PUMAPA rimingin ṭhat nangni kin vur,” ti ngai no nih.