Read Biete LAPUI 130 Bible Online

LAPUI 130 - Biete bible

LAPUI 130

¹O PUMAPA, ki buaina inthûk taka rithokah hin nang ke sam.

²PUMAPA, ki ṭapna rôl hi ringai inla; Ṭangpui ki ngênna rôlah hin ne kuar ne sung pêk roh.

³PUMAPA, kin sualnahei ner chik tapin chu, O PUMAPA, tûm â ding thei rang?

⁴Nangman chu ni ne ngaidam ngai a, Khanchu, nang kin iṭi titak tâk a nit.

⁵PUMAPA chu ki ngâk mai a, A nit, ki ringna hin ai ngâk mai a nit. A thu chu ki iamna bi tak a nit.

⁶Râlvêngtuhein khovâr an ingâkmo nêkan, A nit, râlvêngtuhein khovâr an ingâkmo nêkan khom, Ki ringna hin PUMAPA chu ngâkmo takin ai thlîr mai a nit.

⁷O Israelhei, PUMAPA chu iam rei, PUMAPA ziangah khan lungkhamlianna a om a, A ziangah khan ritlanna ai om a nit.

⁸Khanchu, ani khan Israelhei chu, An sualna murdi ata ritlan a ti.