Read Biete LAPUI 138 Bible Online

LAPUI 138 - Biete bible

LAPUI 138

¹O PUMAPA, ni ziangah ki lungril murdin lômthu ril ki ti; Nam dang pathianhei maah khan nangma inpâkin zâi ki ti.

²Ni Biak In rithiang tiang ingatin chubai nang ûn ki ta, Ni lungkhamlianna neh ni thutak sikin ner ming inpâk ki ti.

³Nang ke sam nî-ah khan nangman ni ne sâm a; Nangma râtnan ni nen rât tâk a.

⁴O PUMAPA, rinênga rênghei murdi khan nang inpâk riseh, Ni bâia thu suakhei chu an riat tâk a.

⁵A nit, PUMAPA sinthohei chu lan sak sela; PUMAPA roinpuizia chu natinsat tak a nit a.

⁶PUMAPA chu ân chungtak ni man sela, Mi tlômhei kha a ngaisak ngai a, Mi lârripâkhei chu a zianga rithokin ribih thei ngai mak.

⁷Buainahein ne chîm khom sela, nangman ki ringna ne hoi a. Ke râl ningithikhei idoi rangin ne bân ni phar a, Ni kut changtiang ne saninzôk ni ti.

⁸PUMAPA khan ki chunga a ṭonginkung chu len a ta; O PUMAPA, ni lungkhamlianna chu kumkhuakan om a ti. Nangma kut sinthohei hi lo intluk roh.