Read Biete LAPUI 14 Bible Online

LAPUI 14 - Biete bible

LAPUI 14

¹Mi intlohei khan an lungrilin, “Pathian zel omak” an ti ngai a. An rêngkan an siat a, thil porinche tak an tho a; Tute sin iṭha sin zel omak e.

²PUMAPA khan rivâna rithokin miriamhei hi, “Riatthiamna neia Pathian chubai iûn an om im,” itin a zuk en a.

³Nikhomsela, an rêngkan an fen sual khai tâk a; Porinche takkan an om zoi tâk. Tute sin iṭha sin reng omak a, Khatka lua omak e.

⁴PUMAPA khan, “Mi sualhei murdi khan riatna zel an inei ino mani? Ki mihei ifân rimangin an ring a, Ker ming rilam zel omak,” a ti a.

⁵Anni chu iṭi rilônthingin om an ta; Pathian chu mi dikhei ziangah om a ti.

⁶Mi sualhei khan mi ṭhahei thiltum khah mualphoi an sak ngai a; Nikhomsela, PUMAPA chu mi ṭhahei zôkna a nit ngai.

⁷Israelhei saninzôkna khah Ziona rithokin zuang suak ta sela o! PUMAPA khan a mihei ân ding nôk tikin chu, Israelhei chu râifânin lôm tâng an ti.