Read Biete LAPUI 141 Bible Online

LAPUI 141 - Biete bible

LAPUI 141

¹Davida inpâkna lâ PUMAPA, nang ke sam hi; ki ziangah zuang zel inla, Nang ki koi lâiah hin ki rôl ner ngai pêk roh.

²Ki ṭongṭaina hi namhoi angkan lei iham inla, Ki kut phar hi kholoi tiang ribôlna thillan angkan ne ham pêk roh.

³O PUMAPA, ki bâi irungtu rang phun inla, Ki mûr ivêng rang ne peh roh.

⁴Pualoina thil ṭhano tho nuamna ata ne vêng inla, Mi sualhei lâiah thil isual ki tho sa rang phal non la, An ruaiṭhe rikhîl sa rang khomin ne phal no roh.

⁵Mi felhei khan lungkhamin ne ngo sela, ne hêm riseh, Nikhomsela, mi siahei chôiinrisângna rêng rêng iham no ning e;[72] An siat sin idoi hi ki ṭongṭaina bi tak a nit.

⁶An roirêltuhei chu ikhoiah pai iṭhûla an om tikin chu, Ki thuhei hi â dik a nit iti reh tâng an ti.

⁷Mîn thing an sîr a, a lek leka an îkhoi chit ngai angkah hin, An ruhei chu thlân bâiah rithekin a om tâk hih.

⁸O PUMAPA ki Pathian, keiman chu ki mitin ni tiang a thlîr mai ngai a, Nangmaah khan ki iamna ker ngat ngai a; Ki ringna hi korongboin mah tlak no roh.

⁹Ke ôkna ranga an chang kam ata nen zôk inla, Isia sinhei chânga rithokin nen zôk roh.

¹⁰Mi siahei chu anmani châng kam ngêiah khan iôk riseh; Kei chu izôkriamkan om inlang ki ti vang na!