Read Biete LAPUI 142 Bible Online

LAPUI 142 - Biete bible

LAPUI 142

¹ Davida la phua: Ipûkah a om lâia mi Ki rôl nei dôran PUMAPA chu ke sam a; PUMAPA ziangah lungkham kî ngên a nit.

²A ziangah ki lungzîng thu ke sîr a; Ki buaina thuhei ken riat a.

³Ker thla ki sungah arzal lâiah khan ani khan ki lampui chu a riat a. Ki fena lamah khan ke ôkna rangin, Ke râlhein inrûkkan châng an do a.

⁴Ki kôlkiang ki en a, Tute ne ṭangpui rang lak mu mang a; Ne saninzôk rang om khâi mak a; Tute rêng rêngin ki ringna hi ngaisak khâi mak a.

⁵O PUMAPA, nang ke sam a; “Nangmah bang hih ki saninzôkna, Iring rama ki dongtum chu ni nit,” ki ti a.

⁶Ke khêk rôl hi ringai inla, ngaisiatnaah ker nîk tâk a. Nuam ne lotuhei ata hi ne saninzôk inla; Keima nêkan an irât ual ok a nit.

⁷Nangma riming ken pâk theina rangin; Ki ringna hi tâng ina rithokin ruai isua roh. Ki chungah ni ṭhat tak tak sikin, Ni mi felhei ribûmnaah khan nang inpâk ki ti.