Read Biete LAPUI 143 Bible Online

LAPUI 143 - Biete bible

LAPUI 143

¹Davida Inpâkna lâ O PUMAPA, ki ṭongṭaina hi ringai inla; Lungkham ki ngênnaah hin ne kuar sung roh. Ni iamomna sik neh ni felna sikin ne sâm roh.

²Ni bôi chungah hin fiana ithlun no roh; Ni mitmuah khan mi feltak rêng rêng omak.

³Irâlhei khan an ner zûl a, ki ringna hi rinêngah an sirde a; Mi thi tâkhei angkan mun inthim takah an ne khum a.

⁴Khasikin, ker thla hi ki sungah arzal a; Ke lung a dong khap tâk a.

⁵Tianlâi sûnhei chu ki riat mai a, Ni sinthohei murdi chu ki ngaitua ngai a; Ni kut sinhei chu ki sût ngai a;

⁶Ki kuthei hi ni tiang ki phar ngai a; Ki ringna hi ram iṭôl tak angkan nangmaah a irhâl a nit.

⁷O PUMAPA, ne sâm zel roh. Ker thla arzal neng tâk a. Keima ata hi ni mâi thup no roh, Khanonchu, khurmongboia ṭulhei angkan ki om duai lôiin.

⁸Zîngah khan ni lungkhamlianna thu nen rian la, Nangmaah ki iamna ker ngat a. Ki fena rang chu nen rian la, Ki ringna hi ni kutah ken kol ngit a.

⁹O PUMAPA, ne doituhei kut ata chu ne sanisuan la; Ki zôkna rangin ni ziangah ki hong irbat a nit.

¹⁰Nang chu ki Pathian ni nit a; Ni lungdo sin rang nen risei roh. Nangma rithla diktak khan, lam ihoiah ne ṭhui riseh.

¹¹O PUMAPA, nangma riming sikin ki ringna hi ihoi inla; Ni felna sikin lungzîngna ata ne ruai isua roh.

¹²Ni lungkhamlianna sikin ne doituhei chu inrimang inla, Ne ngêpsiatuhei murdi chu inrimang roh, Ni bôi ki nit a.