Read Biete LAPUI 146 Bible Online

LAPUI 146 - Biete bible

LAPUI 146

¹PUMAPA chu inpâk rei. O ki ringna, PUMAPA chu inpâk roh.

²Ki damsung kârkah PUMAPA chu inpâk ki ta; Ki ringna murdin PUMAPA chu inpâkin zâi ki ti.

³Mi lianhei chungah ringat no unla, Miriam rêng rêngin nangni saninring thei no nih.

⁴An rithuak a mong tenan chu ipilah an kîr nôk a; Kha nî zelah khan an ingaituahei chu a irmang ngai a nit.

⁵Jakoba Pathian, â ṭangpuitua neihei chu an ham a ṭhat, PUMAPA Pathiana tûngna ringattuhei chu.

⁶Ani chu rinêng neh rivân, tuikhanglian neh a sunga om murdi siamtu a nit a; Ani chu kumkhuakan a ṭonginkungah a iamom ngai;

⁷Ani khan ngêpsiana tuanghei chu idik takkan roi a rêl pêk a; Vonṭâm ituanghei ziangah ifâk a pêk ngai. PUMAPA khan mi tânghei â sua ngai a;

⁸Mitdelhei mit ân vâr ngai. PUMAPA khan â lîrhei a kâi ithoi ngai a; Mi felhei chu lung a thlung ngai.

⁹PUMAPA khan khualmihei chu a enkol ngai a, Pa nei ino neh numeihei chu a ṭangpui ngai a; Mi siahei thiltum chu â siat pêk ngai.

¹⁰PUMAPA chu kumkhuakan rêngin iṭhung a ta, O Zion, ni Pathian chu suanpâr murdi dênin rêngin iṭhung a ti. PUMAPA chu inpâk rei.