Read Biete LAPUI 149 Bible Online

LAPUI 149 - Biete bible

LAPUI 149

¹PUMAPA chu inpâk rei. PUMAPA chôiinrisângin lâ thar sak unla, Mi rithianghei inkhômnaah khan amah chu inpâk rei.

²Israelhei chu anmani siamtu chungah khan lôm sela; Zion naihei chu an rêng chungah khan lôm riseh.

³Ama riming chu ilâm pumin inpâk sela; Khuang[76] neh perkhuanghein, amah inpâkin zâi riseh.

⁴PUMAPA chu a mihei chungah a lôm ngai a, Ringaiichînhei chu saninringnan a vo ngai.

⁵Mi iamomhei chu roinpuinaah ilôm takkan om sela; An zâlmun kungheiah râifânin zâi riseh.

⁶Pathian chôiinrisânga inpâkna chu an bâiah om sela, Khandai bêneirim an kuta om pumin inpâk riseh.

⁷Nam danghei chungah phuba a lâk a, Mi tinhei chu kuttum a tho tâk a.

⁸An rênghei chu zingzirin a khuap a, An mi ṭha chu thîrkol ân bun tâk a.

⁹PUMAPA thupêk angkan nam tin chu deng ân thei tâk a. Hihei hi a nit, a mihei roinpuina chu a nit. PUMAPA chu inpâk rei.