Read Biete LAPUI 16 Bible Online

LAPUI 16 - Biete bible

LAPUI 16

¹Davida Inpâkna Lâ O Pathian, ne hoi roh; Zôkna rangin nangmaah ki iamna ker ngat a.

²PUMAPA ziangah khan, “Nang chu ki Puma ni nit a; Nangma rithokin ṭhatvurna tinrêng kî dong a nit,” ki ti a.

³PUMAPAA, mi felhei chu an ṭhat vang na! An lâia om kha ki lômna lian tak a nit.

⁴Mi tukhom pathian dang tianga rôhei chu, Buaina itam takkah an chungah an ithlun ngai. An ribôlnaah khan ṭang no ning a; An pathian khom chubai ûn tlak no ning e.

⁵PUMAPA, nangmah bang hi ki neisun ni nit a; Nangman kî nang murdi ni ne pêk ngai a; Ki sûn maton khom ni kuta om a nit.

⁶Thiltlongpêk ni ne ipêkhei hih an ṭhatin, An roinpui vang na!

⁷PUMAPA chu inpâk ki ti, a ne ruai sikin; A nit, zânah ki sia neh ṭha riatnan a ne thor ngai.

⁸PUMAPA chu ki ziangah a om mai iti ki riat mai a; Ani chu ki ziangah a om mai sikin îten nen nîng thei no nih.

⁹Khasikin, ki lungril hih a lôm a, Ki takpum khom ai zôkriam a nit.

¹⁰Thi theina ritha ata ni ne hoi a, Ni lungthlung chu thina ramah hin marak no tin a.

¹¹Nangman ringna lampui nen mûng ni ta; Ni ziangah chu lômna rikip a om a, Ni kut changtiangah khan kumkho lômna a om a.