Read Biete LAPUI 17 Bible Online

LAPUI 17 - Biete bible

LAPUI 17

¹Davida Ṭongṭaina O PUMAPA, idik taka rêl ranga ki ngênna hi ringai inla; Ṭangpui ranga ki ṭapna rôl tiang kuar sung roh. Lungril takka ki ṭongṭaina hih ner ngai pêk roh.[5]

²Thudik ni riat sikin, Keima tiang ithlêkin roirêl ni ti.

³Ki lungril ni riat infel a, Zânah ni ne thlo ngai a; Nangman iṭha takkan ni ne fia riai a, Keimaah hin îte siatna mu mak cheh.

⁴Mi danghei angkan chanlamboi ril ngai mang a; Ni thupêkhei ki zôma, Mi tôksol lampuihei zui loi rangin ker dîn ngai.

⁵Ni lampui chu ki zui ngit a, Pêt tlak ngai mang e.

⁶O Pathian, nangman ni ne sâm ngai sikin, Ni ziangah kî ṭongṭai a nit; Khasikin, ki tiang mâi ngat inla, Ki thuhei ner ngai pêk roh.

⁷Ni lungthlungna rikhêl tak inlang inla, ne saninzôk roh; Nangma ziangah chu kin ridoipuihei kut ata kin zôk ngai.

⁸Nangma mit lâilên ngêi ni îhoih ngai angkan, Mi siahei doina rithokin ne hoi inla; Nangma rithla nuaiah ne thup roh.

¹⁰Irâl inrît takhein an ne hual vêl a; Lungkhamna zel nei loiin, risong takkan an ṭong ngai.

¹¹Atûnah hin kil tinah an ne hualvêl a; Nen rimang rangin an ner dîp ṭian a,

¹²Anni chu sakeibaknei angkah an nit a; Ne sânphor chit rang itumin an ne îruang ṭian a nit.

¹³Tho, PUMAPA, ke râlhei hih doi inla, inlîr ta roh. Ni khandaiin mi siaheia rithokin nen zôk inla;

¹⁴Hi rammual miriamheia rithokah hin nen zôk roh. Anni chu an ta rang piala dengtheina ni înkungah khan denginthei inla; An naihei neh an tu neh têhei idênin zui mai riseh.[6]

¹⁵Nikhomsela, kei chu felna sikin ni mêl mûng ki ta; Nangma angna neia ki har tikin chu ke lung tluk tâng a ti.