Read Biete LAPUI 2 Bible Online

LAPUI 2 - Biete bible

LAPUI 2

¹Namhei kha ithôm rihel an itum? Mi tinin ithôm chanlamboi an ingaitua?

²An rênghei chu an rihel a, An ruaituhei khom inrualin PUMAPA neh a rêng rithlanga doiin thu an phan a;

³Anni khan, “An inlalna nuai ata zôkin, An thuneina lei lîp pai rei,” an ti a.

⁴PUMAPA khan rivâna a rêngṭhungmuna rithokin inui a ta; An chanlamboi phan chu nuizabûrin mang a ti.

⁵Khanungchu, ningmurin an ziangah thu sîr a ta, Ningthikin anni chu thlavâi sak a ti.

⁶PUMAPA khan, “Keimah ngêiin ke tlâng rithiang Zionah khan, Ki rêng rithlang chu ki înthung tâk a nit,” a ti a.

⁷Rêng khan, “PUMAPA thunpuang chu ril ki ti,” a ti a. Ani khan ki ziangah, “Nang chu ki naipa ni nit; Vuanah hin nang kî nei tâk a nit.

⁸Ne nih roh; khanchu, nam tin tin ni kutah nang pêng ki ta; Rammual pumpui ni ta nîng a ti.

⁹Anni chu thîr irolin ikhoi ni ta; Ipil bêl angkan anni chu ikhoi inrinôi chit ni ti,” a ti a.

¹⁰Khasikin, O rênghei, vâr ta unla; Rinênga roirêltuhei, ridînin om ta rei.

¹¹Iṭi pumin PUMAPA sintho unla;

¹²Rilônthing pumin a makungah ikhûn rei, Khanonchu, a ningthik a ta, Voikazelin lam lâiah nin rimang duai lôiin. Ama chunga an iamna ringattuhei murdi chu an ham a ṭhat e.