Read Biete LAPUI 21 Bible Online

LAPUI 21 - Biete bible

LAPUI 21

¹Davida Inpâkna Lâ O PUMAPA, rêng khah ni râtna pêkah khan a lôm a; Nêna ni pêk sikin ai lôm a nit.

²A lungdo chu ni pêk a; A ngênna lo nen tluk pêk tâk a.

³Ṭhatvurna liantakhein ni don a, Rângkachak rênglukhum nen khum a.

⁴Ani khan ringna nang a ngên a, ni lei pêk tâk a; Kumkhuantluanga ring maina chu.

⁵Ni ṭangpuina sikin a roinpuina a înthang a nit, Chôiinrisângna neh roinpuina a chungah nen khum tâk a.

⁶Ni ṭhatvurnahei chu kumkhuakan a ziangah a om mai a, Nangma ompuinaah khan lômnan a sip mai ngai.

⁷Rêng khan PUMAPA Tinrêngthotheitu a iam a; PUMAPA lungkhamlianna sikah khan inîng no nih.

⁸Rêng khan â râlhei murdi chu man riai a ta; Â neltuhei murdi khom man vang a ti.

⁹A zuang ilang tikin chu anni kha a ningthikna meipuiah khan inrimang a ti. PUMAPA khan anni kha ningthikin ilem zoi a ta, Mei khan kâng inrivâm vang a ti.

¹⁰An richihei chu rinêng ata inrimang a ta; An naihei khom miriam naihei lâi ata inrimang vang a ti.

¹¹Anni khan ni chungah thil ṭhano tho tumin phan an ta, Nikhomsela, lo tluk no nih.

¹²Ni phelin anni chu kâp ni ta, Nung ikîrin lâizâm thông an ti.

¹³O PUMAPA, ni râtna sikah khan nang kin inpâk, Ni sinthotheina inpâkin lâ sak kin ti.