Read Biete LAPUI 26 Bible Online

LAPUI 26 - Biete bible

LAPUI 26

¹Davida Inpâkna Lâ O PUMAPA, mi felin ne be roh, Lungril iṭha tak riputin ki om a, Ringlana boi riaikan PUMAPA chu kî iam a nit.

²O PUMAPA, ne enfian, ne fian la; Ki lungril neh ki ngaituana hi fia roh.

³Ni lungkhamlianna chu ki maruaitu a nit a; Ni iamomna khan a ne ruai mai ngai.

⁴Mi chanlamboihei ripôlpui ngai mang a; Vârrilethei ziangah khom lût ngai mang e.

⁵Thil ṭhano thotu inlômkhômhei kha ki nel a, Mi siahei ziangah iṭhung no ning a.

⁶Sêlnaboi ki nit inlangnan ki kut ker sûk a, O PUMAPA, chubai nang iûnin ni mâichâm vêl mai ki ti.

⁷Lômthu sîrna lâ sakin zâi ki ta, Ni sinrikhêl sin murdi thuhei ril ki ti.

⁸O PUMAPA, ni omna in chu ker ngai innat vang na! Ni roinpuina omna in ngêi kha.

⁹Ki ringna hi mi sualhei lâiah inrimang sa non la, Thisen isua ngai mihei lâiah la sa no roh.

¹⁰An kutheia khan thil isual an tho a, An chang kuthei chu fâkinrûknan a sip a.

¹¹Keimah chu lungril iṭha riputin ki om a; Lung nen kham inla, ne saninzôk roh.

¹²Ṭiom murdi ata ki zôk tâk a; A mihei inkhômnaah [12] khan PUMAPA chu inpâk ki ti.