Read Biete LAPUI 3 Bible Online

LAPUI 3 - Biete bible

LAPUI 3

¹ Davida Inpâkna Lâ: A naipa Absaloma ziang ata lâizâm a tho lâia mi. O Pumapa, ke râlhei hi an va tam vang na! Ne doituhei hi itam takkah an nit.

²Ki chungchâng thu an isîr a, “Pathianin ṭangpui no nih,” an ti a.

³Nikhomsela, O PUMAPA, nang chu ker khîl kan ke pho ni nit a; Ki roinpuina neh ki lu dom inrisângtu ni nit.

⁴PUMAPA chu ne ṭangpui rangin ke sam a, Â tlâng rithianga rithokin a ne sâm ngai a.

⁵Kei chu ki zâl a, ki in tâk a; Zân thluanin PUMAPA khan a ne hoi ngai.

⁶Ne doia, kil tina ne hualvêltu, Mi sângkah khom ṭi no ning.

⁷O PUMAPA thoi inla, O ki Pathian, ne saninring roh. Ne doituhei murdi chu kuttum thon la; Mi siahei hâ chu inthling pêk roh.

⁸Saninringna hi PUMAPA ta a nit; Ni ṭhatvurna chu ni mihei chungah om riseh.