Read Biete LAPUI 39 Bible Online

LAPUI 39 - Biete bible

LAPUI 39

¹Davida Inpâkna Lâ “Ke lei hin thil ki thonsual nona rangin ki omdânhei hih ridîn ki ta; Mi pualoihei ki ziangah an om sung kârkah chu ki bâi itik ki ti,” ki ti a.

²Khanungchu, ki dâirek a, ṭong loiin ki om a, Â ṭha tiang khom ki dâirek a; Nikhomsela, ki dengtheina ân rik ual ual a.

³Ki sungah hin ke lung a lum vung vung a, Ki ngaitua tam dôrkah ke lung a dong a; Khanchu, ṭong loiin om thei khâi mang a.

⁴PUMAPA ziangah, “PUMAPA, Ki mongna rang neh ki ring rang dôr ingkam ai nit nen rian la, Ki ringna derindêp zia hi nen reh roh,” ki ti a.

⁵Ki ringna hih ni siam intôi vang na! Ki damsung kum hih ni mitmuah chu îte ni viat mak a; Mi tin an ṭhat lâi tak khom hih îte ni mak.

⁶Mi tin hih rilîm angkan an lêng a, Â tlonga an isôlin an ibuai ngai titak a nit; Richon an bûm a, tûm â dong rang lak reh mak.

⁷PUMAPA, atûnah hin itûng rang dang im kî nei? Nangmah hih ni nit kî tûng tak chu.

⁸Ki sualnahei murdi ata ne sanisuan la; Mi intlohei sîrinsiatin nen om no roh.

⁹Nangma itho a nit sikin, Dâirek ki ta, ṭong viat no ning e.

¹⁰Ni tôkmol hih ki ziang ata khâi pai inla, Ni kuttum ituangin kî thi lôk lôk a nit.

¹¹Mi, a thonsualna sikin ni ngo a, ne sôi ngai a, A enhoinahei ringe îsiat angkan ne siat pêk ngai a; Mi tin tin hih chanlamboi korong an nit.

¹²O PUMAPA, ki ṭongṭaina ringai inla, Ki ṭapna tiang ne kuar sung roh; Ki mitrithlihei tlâk lâiah hin nê san rangin zuang roh. Ki chibulhei murdi angkan khual inzin pai ki nit a, Itôiteka ranga ni mikhual ki nit.

¹³Hin taka ta ki suak a, ki omno kumkhua maah hin, Lômna ki nei theina rangin ne zua roh.[21]