Read Biete LAPUI 4 Bible Online

LAPUI 4 - Biete bible

LAPUI 4

¹Davida Inpâkna Lâ O, ki hoi theina Pathian, Nang ki koi lâiah hin ne sâm inla, Ki lungzîng lâiah hin ne san roh. Lung nen kham inla, ki ṭongṭaina ner ngai pêk roh.

²Mipuihei itena sôt im mualphoi nin ne isak rang? Itena sôt im thil chanlamboi ringai innatin, Thil dikino nin izui rang?[1]

³PUMAPA khan mi felhei chu ama ta rangin ân ran bîk ngai iti reh rei, PUMAPA khan ki koi ikipah a ner ngai pêk ngai.

⁴Ṭi unla, isual khâi no rei, Hi thu hih nin zâlmunah idâiriam kan nin lungrilah ngaitua rei.

⁵PUMAPA ziangah ribôlna dik lan unla, Amah-ah ringat rei.

⁶“O PUMAPA, ṭhatvurna tam takkah ne pen la, Lungkhamin ne en roh,” itia ngêntuhei chu itamkah an nit.

⁷Nikhomsela, ki lungrila lômna ni ne ipêk hih, An bu neh uain a hong pung zoroa an lômna nêka risâng ual a nit.

⁸Rithla ringam riamkan zâl ki ta, in ki ti; O PUMAPA, nangmah bang hih, Mahni khât bang khoma izôkriamka nen om ngaitu chu ni nit.