Read Biete LAPUI 42 Bible Online

LAPUI 42 - Biete bible

LAPUI 42

¹Kora naihei Lâ Sakhi, vadung tui idâiriam rizuka a irthuak huan huan ngai angkan, O Pathian, ki ringna hi nangma rizukin a irthuak huan huan a nit.

²Ki ringna hi Pathian rizukin, O Pathian iring ringaiin a irhâl a nit; Tikin im fêng ki ta, Pathian chubai ki ûn thei rang o?

³A sûn a zânin ki ṭap a, Ki mitrithli hih ki bu a nit a; Ke râlhei lakin, “Takâm ni Pathian te?” an ne lei ti nôk mai a.

⁴Zoro thleng tâk ki riat suak nôkin chu ki lungril a nat ngai a, Mipui lâia ki fe a, râiifân tak neh ilôm takka, Pathian inpâk puma, mipui râiifân takhei, Pathian Biak In ipana an ma ke ruai ngai tliahei kha.

⁵O ki ringna, ithôm ni îkhûn ṭian? Ithôm ki sungah hin nî buai hi? Pathian tûng roh; Amah chu ki la înpâk nôk rang a nit, Ki Pathian neh ki saninringtu chu.

⁶Ki ringna hi ki sungah â khûn ṭian a, Khasikin, Jordan neh Hermon rama rithok hei, Mizar tlânga rithokhein nang ki riat mai a.

⁷Ni tui iluang irî vung vungah hin tui inthûk neh tui inthûk khah an risâm a; Ni tui rifôn neh ni tui risok murdihei khan an ne vur inrinîk tâk a.

⁸Nikhomsela, PUMAPA khan a lungkhamlianna khah sûnah hin inlang sela, Khanchu, zânah lâ sak thei ki ti. Ki ringna Pathian zianga ṭongṭaina chu.

⁹Pathian, ki lungpui ziangah khan, “Ithôm ni ne irngil tâk? Ithôm ne doituhei ngêpsiana sikin peiintem takka kî om,” ki ti a.

¹⁰Ne doituhein an ne musitna khan ki lungril a sun a. “Takâm ni Pathian te?” an ne ti mai lâiah khan.

¹¹O ki ringna, ithôm ni îkhûn ṭian? Ithôm ki sungah nî buai hi? Pathian tûng roh; Amah chu ki la înpâk rang a nit, Ki mêl indamtu neh ki Pathian chu.